ژەنی و گەنجێ شۆڕشگێڵنێ وەرکەوتوو کورڎسانی و ئێرانی بە سۆچنای لافیتەو پڕوپاگەندەو ورچنیەیەکا و وەڵا کەرڎەیۆ هاگادارینامەکا هەڵوێستوو وێشا دژوو ورچنیەیەکاو ڕۆو جومعەی بەروست.
لوجنە جۆراوجۆرەکاو ژەنا و گەنجە شۆڕشگێڵنا وەرکەوتوو کورڎسانینە و ئێراننە دژوو ورچنییەی پارلەمانوو ئەنجوومەنوو ئیسلامی و پارلەمانوو پسپۆڕاو ڕێبەری، کە ڕۆو هەینی ١١ ئازاری شارەکاو سنە، سەقز، ئیلام، زاهیدان، سیب، سۆران و شیرازینە کریۆ، بە سۆچنای لافیتە پڕوپاگەندەییەکا و وەڵاکەرڎەیۆ هاگادارینامەکا هەڵوێستشا ئرمانا.
سەبای جومعە ١١ ئازاری، ورچنیەی پارلەمانوو ئەنجوومەنی ئیسلامی و پارلەمانوو شارەزایاو ڕابەری جە سەرانسەروو ئێرانینە و وەرکەوتوو کورڎسانینە کریۆ، چی ورچنیەیەنە ١٥ هەزارێ و ٢٠٠ کاندیدێ کێوەڵێکێ سەروو ٢٩٠ کورسییاو پەرلەمانی کەرا.
بەپاو ڕاپەرسییە ڕسمییەکاو ئێرانی، تەسەور کریۆ تەنیا ٣٠٪ی دەنگدەرا مافوو دەنگدای چا ورچنیەیەنە بەشداریی کەرا.
