تەڤگەروو ژەنە ئازاڎا (تەژەئا) مەنتێقەو ڕاو ئاوریشموو وانینە بە بۊنەو ٨ ی ئادار بە درووشموو "بە ژەنی ژیوای ئازاڎی بەرەو ٨ ئاداری" چالاکییەکەشا کەرد، هامسەرۊکوو دەم پارتی مەنتێقەکەنە، گوڵشەن کورتە و ڕێکوستەی دەم پارتی مەنتێقە و کاندیدەو شارەوانیی ڕاو ئاوریشموو دەم پارتی جانان ئوزونەیە و چندین ژەنێ بەشدارێ بێنێ، ژەنی جلوبەرگی نەتەوەییشا پۊشا و ورپڕێ.

گوڵشەن کورتە قسێش کەردێ و داواش کەرڎە، کە گۊشەگیریی سەروو ڕابەروو گەلوو کوردی عەبدوڵا ئۊجالانی ورگیریۊ و داواو زینڎانییە مانگێرتا قبووڵە کریۊ. ئەوەخوایش کەردۊ گەلوو کوردی ڕووبەڕوو ئەسیمیلاسیۊنی و سیاسەتوو جەنگی تایبەتی و سیاسەتوو کۊچبەرکەرڎەی بیەنۊ و واتش: "وەراوەروو گردوو ئینیشانە، پێویسا گەلوو کوردی ورچنیەیەنە پارێزگاریی وەنەو دەنگەکاش کەرۊ و واوەی ئیرادەیش سندۊقەکانە نیشانە بدۊ".

هامسەرۊکوو دەم پارتی چاگە شەڤین پۊڵاتە داواش وەنەو ژەناو وانی کەرڎە کرد بەشدارێ با جە "کۊبییەیۊ گەورەو ژەنانە" کە بە بۊنەو ٨ ئاداری ڕۊو جیهانیی ژەنە کرێکاراوە پارکوو ئاشتیی موسا عەنتەرینە کریۊ.

دمایی ڕاپیماێوە کریا، چاگە پانکارت و ڕسموو ژەنە کوشیایاو کوردی بەرزێ کریێوە و دلێشنە درووشمەکاو "بژیوۊ مدرامانوو زینڎانی" و "ژەنی، ژیوای، ئازاڎی"ی و "بژیوۊ سەرۊک ئاپۊ"ی بەرزێ کریێوە.

ژەنی بە ورپڕای دەوروو ئا ئاویرەینە کەرڎەبێشاوە، دماییشا بە چالاکییەکەیشا ئارد.