چېرو نامۍ نەورۊزانەو ئێساڵیم پێشکەشتا بۆ نویسەر ئیدریس پیری واتش،" بە وەشحاڵیوە دماو چڼین ساڵا کۊششو تەقەلایۍ فرەی پەی زیادٚکەردەو کوردی هەورامی(گۆران)ی بە لیستو زوانەکاش کتێویانەو نەتەوەیی وڵاتو ئاڵمانیای شارو بێڕلینینە بە ئەرێنی جوابو نامەکاشا دانیوە".
نویسەر ئیدریس پېری جە پەلیانەو فەیسبوک و ۋێشەنە وەڵاش کەرڎۆ کە کتێویانەو نەتەوەیی وڵاتو ئاڵمانیای سەبارەڎ بە زیاڎ کەردەی کوردی هەورامی(گۆران)ی بە لیستو زوانەکاش بە ئەرێنی جوابو نامەکاشا دانۆ.
جە درێژەو نویستەکەیشەنە ئیدریس پیری ئاماژەش پانەیە دا کەکتێویانەو نەتەوەیی ئاڵمانی جیا چانەیە کوردی هەورامی (گۆرانی)ش بە لیستو زۋانەکاش زیاڎ کەردەن، جە دمایین جوابەنە واوەی سپاسی گەرمش کەرد پەی ئا نامێ و ئا تەوزێحا جە سەرەو کوردی هەورامی و گۆرانی ئاڕاسەش کەردێنێ و پسەو دمایین بڕیاری بڕیارشا دا کە جە نوویستەو کاتالۆگەکاشانە چیسەولای جە ئیشارەی زوانەوانینە جە هەردوی نامێ گۆران و هەورامی کەڵک مەگێرا و یۆشا جە وەردەمو ئەویتەرینە مووزا دلێ کەمانەی .
جە دما دمایی نویستەکەیشەنە نویسەر باس چانەی مکەرۆ کە ویست و داواکاریەکێش جە سەرەو چڼین وردەکاریا تەرینە چا بارۆ چنی کتێویانەو نەتەوەیی ئاڵمانی درێژەشا هەن و جە ئەگەرو هەر بڕیارۍ تازەینە، ئاگاڎاری زیاتەر وەڵا مکەرۆوە.
