زینڎانیۍ تورکیانە و کورڎساننە بە دروشمو "ئازاڎیی پەی عەبدوڵا ئۊجالانی، چارەسەری سیاسی پەی پەرسەو کوردی" دەسشا بە مانگێرتەی جە وارڎەی کەرڎەن و چالاکییەکە ئینا ڕۊو ١٥یەمینینە و بەرڎەواما.

مەتین ئویار زینڎانی سیاسی جە زینڎانی وزیارەو جۊرو ئێڵی ئەسپیەی گیرەسونی، کە مانش جە وارڎەی گێرتەن بە تەلەفون قسێش چەنی بنەیانەکەیش کەرڎۍ و پەیامێوەش ئاڕاستەو رای گردینی کەرد، کە پێسنەن:

"ئێمە خاسێنمۍ و ئینایمۍ سەرو حەقیوە. وەڵاتما، ڕابەرما، پارتیما و ژیوایما، هینوو ئێمەن. ئێمە پادیشاوە سەرەبەرزێنمۍ و بڕواما هەنە سەرۍ گنمۍ. مانگێرتەی جە وارڎەی ئێمە وەفاداری و قەرزێوەن سەرماوە. ئانە کە بە وێش ماچۊ ئینساننا، وەڵاتپارێزن و نیشتمانپەروەرا مشۊم ئا قەرزەیە بدۊوە. ئانە کە پەنەش ماچمۍ سۊز و وەفا، چی ڕووەنە هەست بە پێویسییش کریۊ. قەرز ڕۊی چینەنە مدریۊوە. گەلەکەما شکۊمەندا و چندین ساڵێن کۊشیای گەورە کەرۊ. ئێمەیچ هەوڵۍ مدەیمۍ ئانە کە گنۊ گەرڎەنما بە فیداکارانە بیاونمێش یاگۍ. پەوکای گەر زەروور کەرۊ گیانیچما بەخشمۍ. ئێمە و هامڕایاو ئێگەی خاسێنمۍ و وێگیرێنمۍ. گردما باوڕما پانەیە هەن کە ئی چالاکییە سەرگنۊ. چێگە هامڕێما ئینۍ دەورو ڕابەرایەتیوە و خاوەندارییش وەنە کەرا. ئیماوە فرە گرنگا و مشۊم گردما هەرمانەکێما پۊڕنمێ".