یادەکە جە هۆڵو وەرزشی شارەکەی بەبەشداری ژامرێوە فرە جەخەڵکو شاری و وەرپەرسە حزبی و حکومیەکا پانیشیتوو کوردستانی و ئێراق و مێمانە بیانیەکان کراوە و چەندین وتارێ و پەیامێ ونێوە. دماتەر بە عەرەنیای باقە ولا سەرو مەزارو شەهیدا کیمیاوارانو هەڵەبجەی درێژە بە یادەکەردەکەی دریا.

هەر ئاروٙ جەهەڵەبجە چند کارو چالاکێوە لواینیٛ ڕاوە ، یوٙ چا چالاکیا  کەسوکارو شەهیداوە جە مێدانو عومەر خاوەرێ تا مەزارو شەهیدا ڕاشا پیما و چاگە باقە ولیشا سەرو مەزارو شەهیداوە نیێرە.

هەرپاسە تەڤگەرو ئازادی کۆمەڵگەو کوردستانی و بەیاوەری شاندو ڕۆژئاڤا کوردستانی جە هەڵبجە یادو مەرگەساتەکەیشا کەردەوە و هەرپاسە تاجە گولێشا سەرو مەزار و شەهیدا نیارە.

جە شارەکاو دهۆکی، هەولێری، سلێمانیێ، کەرکوک و گەرمیان و چەندین شارچێ و ناوجانە یادو سی ساڵەو هەڵەبجەی  کریاوە.

سی ساڵیٛ جەی وەڵتەر جە ڕێککۆتو 16/3/1988  ڕژیٛم و بەعسو ئیراقی کیمیاوارانو شارو هەڵەبجەیش کەرد و زیاتر جە 5 هەزار کەسا شەهیدێ بیێ و نزیکەو 20 هەزار کەسێ بریندارێ بیێ و خەڵکو هەڵبجەی، خورماڵی، سیراونی، بیارێ، تەوێڵی و سەرجەم دەگاکا هۆرامانی و دەوروبەریشا ئاوارەێ ئێران و ڕۆژهەڵاتو کوردستانی بیێ.

سەرەڕا دەربازبیەی 30 ساڵا سەرو مەرگەساتەکەیەرە، بەلام هیشتا زامەکێ هەڵەبجەی ساڕێژێ نەبینێ و خەڵکەکەش قەرەبووی ماددی و مەعەنەوی نەکراینەوە و هێشتاچ وێرانی بە هەڵەبجەیەوە دیارەن.