ئارۆ وێرەگا جە شارو ئامەدی، بەئنسیاتیفو پارتو دیموکراتی گەلا (هەدەپە)ی، جە مێڎان-و ستاسیۆنی گلێرەوبییەی"ئامەدی گەۆرەی" بریا ڕاوە و سەدان هەزار کەسێ بەشدارێش بێ.
مێڎانەکە بە ئاڵا، سمبول و هێماکا هەدەپەی ڕازیا بێ و پۆستەرێ و پانکارتێ کە سەرشاوە دروشمەکێ " ژەنی، ژیۋای،ئازادی" هەدەپە نام و نیشانو ئازادی و یەکسانییەن، "، " ژەنی شکست بە فاشیزمی مڎا"، " هەدەپەی بەرمێ پارلەمان "بەرزێ کریێ بێنێ.

بەشداربیەکێ فرەتەر ژەنی و گەنجێ بێنێ و بە چڕیەی دروشما وەشەۋیسی و دڵسۆزی و وەفاداری وێشا پەی عەبدوڵلە ئۆجاڵان، ڕێبەرو گەلو کوردی بەرۋست و پەیتا پەیتا  دروشمو " بە مدرامان سەرگنمێ" ۋاچێنێ.

پێسەو پیشەی هەمیشەیش،پۆلیسەکێ ئاکەپەی دەسۋەردای نایاساییش کەرد و دەسشا گێرت سەرو ژمارێۋ پانکارتێ و لافیتارە.

گلێرەبییەکە بە دەیەقێۋ ڕێزگرتەی دەسش پنەکەرد و سەدان هەزار ئامەدیێ بە یەکپارچە و یەکدەنگ پەشتیۋانی وێشان پەی هەدەپە-ی و نامزەدو سەرۆک کۆماری، سەلاحەدین دەمیرتاشی نیشانە دا.