ئەمەریکا، بەریتانیا و فەڕەنسا هێرشا کەرد سەرو سوریای
سەرسەبای ئارۆی، هێزە ئەمەریکی، فەڕەنسی و بەریتانیەکێ دەیان یاگێ سوریاشا کردێ ئامانج و ڕوسیاچ هەڕەشێ مەکەرۆنە.
ئارۆ سەرسەبای، هەر یۆ جە وڵاتە یوگێرتەکا ئەمەریکای، شانشینو بەریتانیای، کۆمارو فەڕەنسای، جە دەریا وئاسمانەوە، بە موشەکێ و فڕۆکێ جەنگیێ هێرشا کەرد سەرو دەیان یاگێ سەربازی و حکومیێ و حزبیێ جە سوریای.
حکومەتو سوریای ئاشکراش کەردەن، لانی کەم ٥۰ یاگێ وڵاتەکێش کریێنێ ئامانجو هێرشەکا و سەرقاڵێنێ تا بزانا زیانە گیانیێ و مادیەکێشا چەنڎەنێ.
بەپا واتەو ۋەرپەرسا ئەمەریکای، جە سەروەختو هێرشەکانە ڕوسیا هایدار نەکریانەوە.
فەدراسیۆنو ڕوسیایچ ئاشکراش کەردەن، هێرشەکێ سوکایەتی و بێڕێزییەن بە سەرۆک وڵاتەکێشا فەلادیمێر پۆتینی و تەمامو ڕوسیای و بێ وەڵامێ مەمەناوە.
