جرمی کوربین دژ بە هێرشو عەفرینەن
ڕابەرو پارتو کارکەرا بەریتانیا، جرمی کوربین، دژایەتی وێش پەی هێرشو تورکیا دژ بە عفرینی بەرۋست.
ڕابەرو پارتو کارکەرا بەریتانیا، جرمی کوربین، دژایەتی وێش پەی هێرشو تورکیا دژ بە عفرینی بەرۋست.
جرمی کوربین: دژ بە پەشتیوانی جە کوردەکا سوریا مەکەروونە
جرمی کوربین جە نوستێۋشەنە کە Another Green world ۋەڵاشکەردەن، پەشتیوانی و هامبەستەیی وێش پەی، کوردەکا سوریای و جیهانی بەرۋستەن و نۋیستەن:
جەی هەلومەرجەنە، گەرەکەن جەنگ مدریۆنە و هەوڵ پەی کەمکەردەی ئاژاولەکا و ئێزتەی ڕاچارەی بدریۆن، نە قوڵێ بکریاۋە. دەستۋنەدای سەربازی زلهێزەکا بەفراوانی قوربانی و ئاوارەییش دمارە ئامان.
تورکیا سڤیلێ بەئامانج گێرۆن
جرمی کوربین، واتەنش: هێرشێ زەمینیێ و ئاسمانییەکێ تورکیا دژ بە عەفرینی، قوربانیێ مەدەنێ فرێش ۋنەکۆتێنە، تەنانەت، ئاواراەکێ کە جە دەڤەرەکاتەری سوریای پەناشان پەی عەفرینی بەردێنە، قوربانی هێرشەکانێ.
ڕەخنە جە حکومەتو بەریتانیای گێرۆنە
کوربین، ماچۆنە، حکومەت و بەریتانیای نەک تەنیا نەتاۋانش دژ بە دەسۋەردا بیانیەکا جە سوریا مردرۆۋ، بەڵکو وێچش بەشدارەن چنەشا.
نامبریا، دەسنیشانش کەردەن: ئێمە ئەرکی ئەخلاقی مەگنۆ ستۆما، مشیۆم فشارەکاما پەی سەقامگیری ئاشتی و ئەۋەئێستەی ڕاچارەی جە سوریا وزمێ گەڕ. هەوڵ بدێمێ گرد هێزە بیانیەکێ جە سورا بەربگنا، کە ڕۆڵشا هەن جە هۆرگیرسنانی جەنگەکێشەنە.