جە ئیزمیر و هەتای، پۆلیسو تورکیای ۱٦ کەسێش دەسگیرێ کەردێ
جە ئیزمیر وهاتای، جە بەردەۋامی ئۆپەڕاسیۆنو قڕکەردەی سیاسی، پۆلیس ۱٦ کەسێ ئۆپۆزسیۆنیش دەسگیرێ کەردێ.
بەنزیک بییەی جە هۆرۋچناکا ۲٤و حوزەیرانی، دەسەڵاتەکەو ئاکەپەی زیاتەر تینی بە ئۆپەڕاسیۆنو قڕکەردەی سیاسی و سەرکوتکەردەی ئۆپۆزسیۆنی مڎۆنە.
چا چوارچێۋەنە، جە ناوچە و شارچەکا " کۆناک، بایراق، ئورلو، مەنمەن، دیکیل و تۆربال"و سەر بەپارێزگاو ئیزمیری، پۆلیسەکێ ئاکەپە-ی لوێنێ سەرو یاناو هاموەڵاتیاو بە بەهانەو بەکاربەردەی تۆڕە کۆمەڵایەتیەکا دژ بە دەسەڵاتی، ۱۲ کەسێشا دەستگیرێ کەردێنێ.
جە ناوچەکا " دۆرتیۆل و ئیرزیل"و پارێزگاو هاتای، پۆلیسەکێ ئاکەپە-ی بە هەمان بەهانە هۆرشاکۋان سەرو چەنڎین یانا و جەئاکامەنە، " هاشم ئاتنجی ، خەیردەدین تەکین، ئادەم سیرچا" و کەسێۋی تەر کە نامەکێش نەزانیێنە دەستگیرێ کریێنێ.
