جە وەرئاوا 'ڕۆژاڤا'و کوردستانی هێزەکێ ڕزگاری عەفرین-ی و شەڕڤانەکێ ئازادی بەردەوامێنێ جە مدرامان دژ بە هیزە ئەرەگێرەکانو تورکیا و تاقمە چەتە بەکرێگیریاکانیشان و گورزێ قورسێشان ونە مەدانێ.
جە ئی چوارچێوەنە شەڕڤانەکێ هێزەکێ ڕزگاری عەفرین-ی جە دوێ چالاکیێنە جە عەفرین و مارع گورزێ قورشێشان جە دوژمنی دێنێ.
جە ئا بارەوە میانگەو یاونەری و چاپەمەنی ‌هێزەکێ ڕزگاری عەفرین-ی ئەرەیاونایێوش دان و ئاشکراش کەردەن:

۳ ئاداری جە دەگایەکێ بەربان و قۆپ-ی سەر بە ناوچەو راجۆ-ی، دەگاو زارێی سەر بە ناوچەو بلبلێ-ی و دەگاو باسووتی سەر بە ناوچەو شێراوا-ی کە هەر یەرە ناوچەکێ سەر بە عەفرین-یەنێ، هێزەکێ ڕگزگاری عەفرین-ی دژ بە خاڵەکێ وشکنای تاقمە چەتەکانو سەر بە تورکیا چالاکیێشان ئەنجامێ دێنێ. جە چالاکیەکانە بە گردی ۷ چەتێ ئەرەگێرێ کوشیێنێ و ٥ چەتێ تەرێ بریندارێ بیێنێ. هاموەخت ۲ ماشینێ سەربازیێشان بەتەمامی دلێنەبریێنێ.
دمابەدمای چالاکییەکان، سپا ئەرەگێرەکەو تورکیای هەڕەمەکیانە دەگایەکێ ناوچەو شێراوا-یش تۆپوارانێ کەردێنێ و زیانی فرەی مادییش دان جە ژیوگە و یانێ دەگانیشنەکان.

هامکات بەڵام جە شارچەو مارع-ی سەر بە هەرێمو شەهبا-ی، شەڕڤانەکێ هێزەکێ ڕزگاری عەفرین-ی دژ بە بارەگاو چەتە ئەرەگێرەکێ تورکیا چالاکیشان ئەنجام دان و جە ئاکامشانە ٤ چەتێ کوشیێنێ و ۱۲ چەتێ تەرێ بریندارێ بیێنێ و زیانی ماددی فرە جە بارەگاکەی دریان.
شۆنەو چالاکییەکەیەرە، هێزکێ تورکیا بێسەروبەرانە دەگایەکێ ناوچەو شەرا-و عەفرین-ی و هەرێمو شەهبا-شان تۆپوارانێ کەردێنێ و جە ئاکامشەنە زیانی ماددی جە دەگانشینەکان دریان.