جە مێردین، ئامەد و بەدلیس گەریلا گورزی قورسش جە دوژمنی دان
هەپەگە ئاشکراش کەرد: جە پارێزگەکا مێردین، ئامەد و بەدلیسی، گەریلاکێشا زنجیرە چالاکیێشا دژ بە سپا داگیرکەرەکەو تورکیای ئەنجام دێنێ و جە ئاکامشانە زیانی گیانی و مادی قورسشا دێنێ ۋنە.
دلێگەو یاۋنەری و چاپەمەنی هێزەکا پارێزنای گەلی-هەپەگە، بە ۋەڵاکریێۋ زانیاریش دەربارەو چالاکی گەریلاکاشا دان و ئاشکراش کەردەن:
میدیات-مێردین
"جە چوارچێۋەو هەڵمەتو شۆڕشگێڵی شەهید دەلال ئامەد و شەهیدا بەستای، ڕۆ ١٥و تەمووزی سەعات ١٢:٥٠ دەیەقێ نیمەڕۆی سەرو ڕاو ناوچەو میدیات-و مێردینی و ناوچەى هەزەخی شرنەخی، گەریلا چالاکیش دژو ماشینێو کۆنترا گەریلای ئەنجام دان و زیانی گەۆرەشا جە ماشینەکەی دان، بەڵام زیانی گیانی دوژمنی نەزانیان".
فارقین-ئامەد
"١٢و تەمووزی سەعات ٢٣:٣٠ دەیەقێ شەۋێ، جە پەنگاوو ناوچەو فاریقین-و ئامەد-ی، گەریلا جە هێزەکا دوژمنیش دان و جە ئاکامشنە سەرەڕا زیانی فرەی مادی، ۲ کۆنترا گەریلێ کوشیێنێ".
خیزان-بەدلیس
"١٦و تەمووزی سەعات ٠٥:٤٠ دەیەقێ سەرسەبای، جە ناوچەو خیزان-و بەدلیسی، گەریلا چالاکیش دژ بە بارگێۋی سەربازی سپا داگیرکەرەکەو تورکی ئەنجام دان و زیانی قورش دان ۋنە، بەڵام زیانی گیانی دوژمنی نەزانیان".
شەهریبان-شرنەخ
"١٤و تەمووزی جە دەڤەرەکا 'رسۆر و ناڤایانای شێخا' سەر بە هەرێمو شەهیربان-و شرنەخی، هێزەکێ دوژمنی بە پەشتیۋانی هێزی ئاسمانی ئۆپەراسیۆنی سەربازیشا ئەنجام دان، بەڵام جە ۱٥و تەمووزیەنە ئۆپەراسیۆنەکە بەبێ ئەنجام کۆتایىش ئامان".
مەتینا-خواکورک
"جە ۱۷ و ۱۸و تەمووزیەنە فڕۆکە جەنگیەکێ تورکیای هەرێمەکێ پارێزنای مەدیا-شا بۆردومانێ کەردنێ. بۆردومانەکە دەگاو کۆلاکاو ناوچەو مەتینای و گەلی ڕەش و ئەرمووشو ناوچەو خواکورکی-ش گێرتەنەۋە".
