جە هەڵەبجە و هەورامان چالاکی پەی عەفرینی ئەنجام دریا
پەی پاڵپەشتی جە مدرامانو عەفرینی، خەڵکو هەڵەبجە و هەورامانی گلێرۆبیێشا ئەنجامدا و داواشا جە کۆمەڵگاو میاندەوڵەتی کەرد دژو دەوڵەتو تورکی هەڵوێستشا بۆنە و بێدەنگی نەبا.
جیهاد هەورامی
ئارۆ جە هەڵەبجە، جە ۋەردەمو بانقە کۆنەکەیەنە، بەئامادەبیەی ژمارێۋی فرە جە هاموڵاتیاو هەڵەبجە و هەورامانی بە دروشمو، "جە عەفرین مدرامانا، هەڵەبجە و هەورامان پشتیوانا، سەرکەوتەی پەی مدرامانو عەفرینی" و بە هۆرگێرتەوی ئاڵا و هێماکا یەپەگە و یەپەژە و وێنەکا ئۆجالانی چالاکیشا ئەنجامدا.
چالاکگەرەکۍ، داواشا جە گەلو کوردی کەرد تا پاڵپشتی جە مدرامانو گەلو عەفرینی بکەرانە و هەر پاسە داواچشا جە کۆمەڵگەو میاندەوڵەتی کەرد تا پەی مدرنای هێرشەکا تورکیا و وەرگێرتەی جە کۆمەڵکوشی خەڵکو عەفرینی، بێدەنگۍ نەبانە.
هەر ئارۆ جە پانیشتو کوردستانی، پێسەو هەڵەبجەی جە شارەکا، سلێمانیێ، هەولێر، سەیدساق و کەلار و کۆیە و ڕانیە و تەقتەق و قەڵادزێ، چالاکیێ پەی عەفرینی ئەنجام دریێ و بریاڕاۋە.
