جە چالاکی گەریلاکا هەپەگە-ی و یەژەئاستار-یەنە، 20 سەربازێ کوشیێ

دلێگەو یاونەری هەپەگە-ی ئاشکراش کەرد: " جە چەلێ و شەمزینان ۱٦ و جە ئامەد ٤ سەربازێ تورکیای کوشیێنێ، جە سێرت گەریلایێ شەهید بییەن".

تت

دلێگەو یاۋنەری و چاپەمەنی هێزەکا پارێزنای گەلی هەپەگە-ی، دەربارەو چالاکی گەریلای زانیاریش دان و ئاشکراش کەردەن: " جە ۱٦و حوزەیرانی جە چوارچێوەو هەڵمەتەو شۆڕشگێلێ شەهیدا پیرۆز و ئاگری-یەنە، گەریلاکێ هەپەگە-ی و یەژەئاستار-ی، گورزێ فرە قورسێشا جە سپای تورکیای داگیرکەری دێنێ.

سەعات  ۱٥:۰۰و دمانیمەڕۆی ۱٦و حوزەیرانی جە شارچەو چەلێی سەر بە پارێزگای جۆلەمێرگی، چالاکی دژ بە گرێ خەرەگۆڵێ چالاکیشا ئەنجام دان و بەهۆشەوە ۱٤ سەربازێ دوژمنی کوشیێنێ.

سەعات ۰۲:۰۰ سەرسەبای، جە گرێ خیرەتا-و شەمزینان-یچ، گەریلا دژ بە سەربازا سپا تورکیای چالاکیشا ئەنجام دان و چاگێچە ۲ سەربازێ تەرێ کوشیێنێ.

هەپەگە ئاماژەش بە چالاکی گەریلای جە ۱۱و حوزەیرانی جە دەگاو دێرخۆستی سەر بە شارچەو لجەی ئامەدی دان و وەڵاشکەردەنەوە: " گەریلا جە سپای ئۆپەراسیۆنکاری تورکیاش دان و جە ئەنجامەن ٤ سەربازێ کوشیێنێ. دمای چالاکییەکەی چەندین کەسێ خەڵكو دەگاکێ جەلایەن سپای تورکیای دەستگیرێ کریێنێ و ئەشکەنجە درینێ. دماتەر بە بێ ئەنجام سپا تورکیای کێشیانەوە".

هەپەگە دەربارەو جەنگی جە ناوچەو دهێ-ی سەر بە پارێزگاو سێرتی، زانیاریش دان و ئاشکراش کەردەن: " جە ۷و حوزەیرانی جە مەیدانو مەمرای دهێ، جەمیانو گەریلای و سەربازا تورکاییەنە جەنگ قومیان و جە ئەنجامشەنە گەریلایێ شەهید بیەن، کە شناسنامەکەش پەی جۆرەنە:

ئەژناسیا بە: چه‌كدار ئامه‌د
نامێ و دمانامێ: ئه‌مرا پۆڵات
یاگێ جە ئەدابیەی: ئامه‌د
نامێ ئەدێ و تاتەی: ئه‌سما - محه‌مه‌د سه‌لیم
یاگێ و وەختو شه‌هیدبیەی: سێرت - ٧و حوزه‌یرانی 

هەر جە جەنگەکەنە، گەریلایێ تەر بەنامێ (حاجی گۆكتاش) ئەشناسیا بە (هه‌ره‌كۆل چراڤ)ی، به‌ برینداری بە دیل گیریان.

هـ.هـ

ت