ئارۆ بەبۆنەو نەورۆزی و جە یەکەمین ڕۆو ساڵێ تازێ کوردی ۲۷۱٨ی، جە کوردستان و هەندەران ملیۆنان کەسێ جە مچیێرە مەیدانەکا نەورۆزی و بە جۆش و خرۆشو مدرامانو عەفرینی بۆنەکەشا پیرۆز کەرد.

سەرنیشتو کوردستانی

پێسەو هەر ساڵێ تەری، ئارۆ شارۆ ئامەدو سەرنیشتو کوردستانی دیسان مەزنتەرین پیرۆزباییش بەردڕاۋە و سەرەڕا ئاستەنگییەکا ڕژێمو تورکی سەدان هەزار کەسێ مێدان و نەورۆزیەن ئامادێ بێنێ.
 هەر پاسە بێجگە جە ئامەدی، جە‌ شاره‌كاو، " ئه‌ده‌نه‌، مێرسین، عوسمانیێ، هاتای، سێرت، مه‌ڵه‌تی، سه‌مسوور، مه‌ڕه‌ش، دیلۆك، ته‌كیرداغ، ئه‌نقه‌ره‌، ئه‌سكیشه‌هر، كۆنیا، ئورفا، دێرسم، باتمان، ئه‌رزنجان، خارپێت، چه‌ولیك، ئیزمیر، ده‌نیزلی، بالكشه‌هر، مانیسا، موگلا، گه‌ڤه‌ر، جۆله‌مێرگ، وان، ئیدر، قه‌رس، ئاگری، به‌دلیس، تاتوان، جزیر، نسێبین و مووش" و پیرۆزبایی نەورۆزی بەشێوەی ناوەندی و بەبەشداری ملیۆنان کەسا جە ساڵا ۋیرەدەی بە جۆشتەر بریاڕاۋە.

وەرکەوتو کوردستانی

جە وەرکەوتو کوردستانی، سەرەڕا قەدە و فشار و ئاستەنکیەکا ڕژێمی، جە هیزێ شەۋێۋە و بەدرێژایی ئارۆی و تا ئیسە، سەرەڕا شارەکاو ،" کرماشان، ئورمییە، سنە، ئیلام، خوڕەمئاوا، مەهاباد، پاوە، سەقز، بانە، مەریوان، سەردەشت، سەڵماس،خۆی، ماکۆ، قروە، کەنگاوەر، سنقور و کولیایی، دهلوڕان، ئاودانان، جوانڕۆ، شائاوا، کرند، سەرپڵ، قەسەر شیرین، بۆکان"، جە سەرجەم شارچە و دێهاتەکانە، کەرنەڤاڵئاسا و بەبەشداری ملیۆنان کەسا نەورۆز بە هەستی شۆڕشگێڵانە پیرۆز کریا.

پانیشتو کوردستانی

جە پانیشتو کوردستانیچ، سەرەڕا قەیرانەکا و بێ مووچەیی، جە قەندیل، ئاکرێ، سلێمانیێ، هۆلێر، هەڵەبجە، کەرکوک،  کەلار، خانەقین، دهۆک، زاخۆ، قەڵادزێ، خورماڵ، ڕانییە، ڕەواندوز، شەنگال، کۆیە، کفری، سەیسادق، پێنجوێنە، و سەرجەم شارچە و دەگاکا، زیاتەر جە ساڵا ۋیەردەی، نەورۆز بەجۆشتەر پیرۆز کریا.

وەرنیشتو کوردستانی

جە وەرنیشتو کوردستانی، جە سەرسەبای ئارۆری بە ڕۆحیەتو مدرامانو عەفرینی، جە دێرک تا عەفرین، ملیۆنان کەسێ جە، کورد، عەرەب، ئاسوری کلدانی، ئەرمەنی، چەرکەس، تورکومان، دمای ئانەیە سەردای مەرزاو شەهیداشا کەرد، مجیێرە مەدیانەکا نەورۆزی و یەک پارە پەیامو بەردەوامی بەڕێبازو شەهیدا و مردارامانەکەو عەفرینیشا داوە گۆشو داگیرکەرا و نەیارا کورد و کوردستانیەرە و جەختشان جە درێژەدای ۋنەکۆشای ئازادی و پێۋەرە ژیۋای ئاشتایانەی کەردەۋە.

هەندەران

جە سەرتاسەرو وڵاتا جیهانیچ، کە کورد چنەشا مژیۋۆ، پیرۆزباییەکێ نەورۆزی و چالاکییەکێ پەی پەشتیۋانی عەفرینی ئامێتێ یەکتری کریێ و ئێرو نەورۆزی جە فرێۋ جە شار و شارچەکا وڵاتا ئەوروپای، ئەمەریکا، کەنەدا، لوبنان، مسر، ڕوسیا ژاپۆن، ئوسترالیا، نیوزلەندا، ئەرمینیا، ئازەربیجان، جورجیا، چین، بەبەشدار سەدان هەزار کوردا و دوستەکاشا کریاۋە.

یاگێ ئاماژەیەنە، پەشتیوانی جە مدرامانو عەفرینی و شەرمەزارکەردەی ڕژێمو تورکی داگیرکەری و گۆشەگیری سەرو ڕابەرو گەلو کوردی، عەبدوڵا ئۆجالانی، مۆرەو وێش دێبێ سەرجەم پیرۆزبایەکا نەورۆزی و یەکدەنگ و یەکڕەنگ بەشداربیەکێ یەیامو پەشتیوانی جە عەفرینی و ئەۋەمدرای دژوداگیرکەرا و یەکڕیزی و یەکێتی نەتەوەییشا دا.