هامسەرۆکو کۆنسەو ڕاوەبەری کۆما جڤاکێن کوردستان-کەجەکە-ی، جەمیک بایک، واتەنەش: " ئانێ کە گەرەکشانە جە نادادی و ستەم و زۆرداری ئاکەپەی ڕزگارشا بۆنە، با ۲٤و حوزەیرانی بلانە سەرو سندوقەکا دەنگدای و شکست بە ئاکەپە-ی بدا"
هامسەرۆکو کۆنسەو ڕاوەبەری کۆما جڤاکێن کوردستان-کەجەکە-ی، جەمیک بایک، جە دیمانێوەنە چەنی ڕۆچنامەو یەنی ئوزگور پۆلیتیکا-ی، سەرنجش دان سەرو هۆروچنایەکا ۲٤و حوزەیرانی جە تورکیا و ماچۆنە: " حکومەتو ئاکەپە-ی و مەهەپە-ی هامپەیمانیش، ئامانجشانە بە فشار و گێرتەی و کپکەردەی دەنگ و ڕەنگو دیموکراسیوازا جە هۆروچنایەکانە سەربگنا، مەدیا و یاونەری تورکیای بە فەرمانو ئەردۆغانی دەرفەت بە هیچ کەس و لایەنێ نمەدا تا بانگەشە پەی هۆروچنایەکا بکەرا، ئانەێچە تەرس و نیگەرانی ئاکەپە و ئەردۆغانی جە شکستیشا نیشانە مدۆنە. هەر بە قسە و ۋنەدوایەکا ئەردۆغان-یەنە دیارەن کە جە هۆروچنایەکانە توشوو شکستی بانە".
جەمیل بایک، واتەنش: " ئاپەکە گەرەکش نییەن بە شێوازی دیموکراسی کورسی دەسەڵاتی چۆڵ بکەرۆنە. ۋەرو ئانەیە فرە گرنگەن ئا کەس و لایەنێ کە گەرەکشانە جە نادادی و ستەم و زۆرداری ئاکەپەی ڕزگارشا بۆنە جە 24و حوزەیرانی بشانە سەرو سندوقەکا دەنگدای و ڕا جە ساختەکاری کاری بگێرانە و شکست بە ئاکەپە-ی بدا".
بایک جەختش کەردەن، کە دەوڵەتو تورکیای 30 ساڵین هەرچی دەرفەتێ دلینێ و بەرینێ هەنێ دژ بە گەلو کوردی و جەمیەرە ئازدییەکێش ۋستێنێ گەڕ و سەڕای ئانەیە هیچ ئامانجێۋش بەدەس نەۋستەن. ئاکەپە و مەهەپە-ێچ هەمان ڕاشا گێرتەنە ۋەر، بەڵام جە سایەو جەمیەرە ئازادیۋازەکەو کوردی ئارۆ جە هەر کاتێوی تەری زیاتر لاوازێ بینێ. بە لۋای سەرو سندوقەکان دەنگدای بشۆم زیاتەر لاوازێ کرایانە.
هامسەرۆکو کۆنسەو ڕاوەبەری کۆما جڤاکێن کوردستان-کەجەکە-ی، جەمیک بایک، جەمایی دیمانەکەیە،ئاشکراش کەردەن: " شکستو ئاکەپە-ی، هۆکارێۋەن پەی لاۋاز بییەی دوژمنا کوردی و گەلە ئازادیۋازەکا و هاموەخت چارەسەری ئاشتیانەو دۆزو کوردیش شۆنیەرە مەیۆنە".
