خورماڵ: ڕێز جە حەمەحسێن کێمنەیی، جەمیل نەوسودی و عەتا زەڵمی نریا
جە خورماڵ، بەبەشداری ژمارێۋی فرە جە پارت و ڕێکۋزیێ و کەسایەتیێ هۆرامانی و کوردستانی، ڕێز جە هونەرمەندا "حەمەحسێن کێمنەیی، جەمیل نەوسودی و عەتا زەڵمی" گیرا و خەڵاتشا دریا پەنە.
ڕۆ پەنجشەممەی، جە شارە دێرینەکەو خورماڵ-و سەر بە هەرێمو هۆرامانی، بە سەرپەرشتی مەڵبەندو ڕۆشنۋیری هۆرامانی، مەراسیمێ شایستە پەی ڕێزگێرتەی جە ۳ هونەمەندێ نامیێ هۆرامانی "حەمەحسێن کێمنەیی، جەمیل نەوسودی و عەتا زەڵمی" ڕێکۋزیا.
جە مەراسیمەکەنە، ژمارێۋی فرە جە پارت و ڕێکۋزیێ و کەسایەتیێ و هاموەڵاتیێ هۆرامانی و کوردستانی بەشدارێ بیێ و باس جە ڕۆڵ و کاریگەری هونەری هەر یەرە هونەرمەنەکەی بەڕێزەوە کریا و سپاس و ستاییشی فرە کریێ.
هەر جە مەراسیمەکەنە، مەڵبەندو ڕۆشنۋیری هۆرامانی و چەنڎین پارت وڕێکۋزیێ خەڵاتو ۋێشا بەخشا بە حەمەحسێن کێمنەیی، جەمیل نەوسودی و عەتا زەڵمی.
هونەرمەندێ نامبریێ، دەیان ساڵێن جە ڕا گۆرانی و سیاچەمانە چڕیەیەنە خزمەتی فرە گەۆرەشا بە هونەر و کلتورو هۆرامانی و کوردستانی کەردەن و دەیان بەرهەمێشا بە کاسێت و ڤیدۆ تۆمارێ کەردێنێ و بە واتەی گۆرانییە ڕەسەنا بەشێۋ جە فەرهەنگ و کلتورو هۆرامانیشا پاڕێزنان و جە نەۋەکاو ۋیەردەی یاۋنانشا بە نەۋەکاو ئارۆی.
