شەۋۍ ۋیەردۍ جە شارو سنەی، نزیک بە ترمیناڵو شارەکەی، تانکەرێو نەوتێ و پاسێۋی نەفەربەر تووشو ڤیەرو هامۆشیێ بینێ و دەرەنجامشەنە تانکەرەکە تەقانەۋە و پاس و تانکەرەکە ئێرشا گێرتەن و جە سەرنشینا پاسەکەی ۲۷ کەسێ گیانشا ئەسپاران و ٥ کەسیچ بە سەختی بریندارێ بینێ.

بە پا دمایین زانیاریەکا کە جە سنەۋە بەدەس ۋزیێن، تانکەرەکە کە بارەکەش ۱۸ هەزار لیترێ نەوتە بیێنە جە پانیشت(باشور)و کوردستانی ڕووە شارەکا ئێرانی لۋان و ئەگەرش هەن شۆفێرەکەش جە ڤیەرەکەنە خەتابار بۆنە. پۆلیسو هامۆشیو سنەی چا بارەوە پەرس و پەیجورش دەس پنەکەردەن.

ئێرەکە کە جە گڕگێرتەی تەنکەر و پاسەکەی کوتەنەۋە ئێنڎە گەورە بیەن تا پانتایی ٥۰۰ مەترا و بە بەرزایی دەیان مەترا تەشەنەش کەردەن و چنڎین ماشینێ هاموڵاتیاچش سوچنێنێ. تیمەکێ ئێرکوشانی سنەی، دمای یەک سەعات و نیمی ئینجا ئێرەکەشا کۆنترۆڵ کەردەن و کوشناشاۋە.