دلێگەو یاۋنەری و چاپەمەنی هێزەکا سوریای دیموکراتی ـ قەسەدەی، ئامارەکەش پەی شێۋە ۋەڵا و ئاشکراش کەردەن: " هەر چەندە ئەنجومەنو ئاساییشو نەتەوەیوگێرتەکا، بڕیارو ژمارە ‌ ٢٤٠١یش پەی ئێربەسی جە سوریا پەسەند کەردەن، بەڵام ئەرتەشە داگیرکەرەکەو تورکیای دڕندانە بەردەۋامەن جە پاشێلکەردەی ئێربەسەکەی و بەئامانج گێرتەی مەدەنیەکا. جە ۋەرانۋەرەنە هێزەکێما بەناچاری پارێزنای ڕەۋاشان بەکارئاوردەن و ڕووبەڕوو دڕندایەتی دوژمنی بینێۋە".

جە بەردەوامییەنە قەسەدە بە ٨ خاڵێ وردەکاری ئامارەکێش ۋستەن ڕۋوە:

١. شه‌هیدەکێما جە هێزی سەربازی: 
" ٢٨٣ شه‌ڕڤانێما، دمای جەنگ و مدرامانی قارەمانانە، شەهیدێ بیێنێ و بە مەراسیمی شکۆدار ئەسپەردە کریێنێ".

٢. كوشیێ دوژمنی:
"‌هه‌زار و ٥٨٨ سه‌ربازێ و چه‌تێ کوشیێنێ و هێزەکێما جە کوشیاشان دڵنیێ بیێنێۋە".

٣. هێرش بەفڕۆکێ جەنگیێ:
"ئەرتەشی تورکیای داگیرکەر،  هه‌زار و ٢٦ جارێ ناوچه‌ و گلێرگە سیڤیل نشینه‌کێش کەردێنێ ئامانج".

٤. هێرش به‌ كۆپته‌رێ:
"ئەرتەشی تورکی داگیرکەر، ٥٦ جارێ ناوچه‌ و گلێرگە سیڤیل نشینه‌کێش کەردێنێ ئامانج".

٥. تۆپۋاران به‌ چه‌كی قورس:
"ئەرتەش و چەتەکێ تورکیای، توركیای ٣ هه‌زار و ٣٠٧ جارێ به‌ چه‌كی قورس هێرششا ئەنجام دان".

٦. جەنگی ڕووبه‌ڕوو: 
"هێزه‌كێما ٦٤٣ جارێ چەنی ئەرتەش و چەتەکا تورکیای ڕووبەڕوو گژیێنێ و ئەنجامەکەشان دیارەن، بەڵام ۱۷٦ جارێچ جەنگ قومیان و ئەنجامەکەشان نادیارەن".

٧. ئەرەۋستەی فڕۆکا:
"هێزه‌كێما دۋێ کۆپتەرێ کوبرێ و سکۆرسی-شا ۋستێنێرە و ۱۱ سەرنشینێشا کوشێنێ کە ئەفسەرێ پلە بەرزێزشا دلێنە بیێنێ. دیسان دۋێ فڕۆکێ سیخوڕیێ درۆن و بایرەقدار ۋزیێنێرە، کە دماینشان ئەردۆغان واژۆ وێش ۋستەبێ سەر".

٨. ئۆتۆمبیلێ و تانکێ و زرێپۆشە دلێنەبریێکێ:
"٩٦ ئۆتۆمبێلێ، تانکێ، زرێپۆشێ سه‌ربازیێ دلێنەبریێنێ و  ٣٢ تەریچ گورزەشا ۋنە دریێنێ".