موستەفا قەرەسو، ئەندام جە کۆنسەو ڕاۋەبەری کۆما جڤاکێن کوردستان-کەجەکەی، بە تنڎ ڕەخنەش جە ئەڵمانیا و ئەوروپای گێرتەن و واتەنش: "بە پەشتیۋانیشا جە ئەردۆغانی، ئاڎێچێ چەنی ڕوسیا و ئەمەریکای هەمبەشێنێ جە قڕکەردەی کوردی".
موستەفا قەرەسو، ئەندام جە کۆنسەو ڕاۋەبەری کۆما جڤاکێن کوردستان-کەجەکەی، جە دیمانێۋنە چەنی ڕۆچنامەو "یەنی ئوزگور پۆلتیکا"ی، سیاسەتە پەشتیۋانکاریەکێ دەوڵەتا ئەوروپای پەی ئەردۆغانی بەتایبەتی دەوڵەتو ئەڵمانیاش ڕەخنەۋاران کەردەن و واتەنش: "پەشتیۋانیکەردەی جە ئەردۆغانی فاشیست و دکتاتۆری شەرمەزاریۋی مەزنەن و پەی جۆرە ڕووپووشەکەشا لادریا و ڕاستینەو وێشا ئاشکراکەرد".
قەرەسو واتەنش:" ئەڵمانیا و ئەوروپا چەنی ڕوسیای و ئەمەریکای هامبەشێ ئەردۆغان-یەنێ پەی قڕکەردەی کوردی و ئازادیۋازا. چونکە نەرمی ئەرمانای جە ۋەراۋەرو ئەردۆغانی و دەسەڵاتە دکتاتۆری و بکوش و ببڕەکێشنە سەلەمنۆنەش ئاڎێچێ بەشدارێ تاۋانەکانەکاشەنێ".
موستەفا قەرەسو، جە ئەڵمانیا هێرشێ و فشارەکێ پۆلیسی دژ داودەزگا دیموکراتیەکا کوردی بە تایبەت ئێزیدیەکا کە قوربانیێ چەتەکا داعشی بینێ، پێسەو سەرانەدای بە تورکیای بەنامێ کەردەن و جە درێژەنە واتەنیچش: "ئەڵمانیا نمەتاونە چەکدایش بە پارتو دیموکراتو کوردستانو-ئێراق-ی کەچەکەکێش دژ بە ئێزیدیەکا بەکاربەردێ و قەدەغەکەردەی ئاڵا و هێماکا یەپەگە و یەپەژەی پەردەپۆش بکەرونە".
قەرەسو ڕەخنەش گێرتەن جە بەخشای ۳ ملیارد یۆرۋێ تەرێ بە تورکیای چێرو پەردەو و ۋەربەست دروستکەردەی پەی کۆچبەرا و واتەنش: "ئا بڕە زەڕە وەختوەنە دریان کە گرد لایێ خاس مزانانە ئەردوغان و دەسەڵاتداریەکەش چ هەڵسوکەوتێۋی فاشیستانە و خرابش چەنی پەنابەرا بیەن".
قەرەسو بەردەۋام بۆنە وماچۆنە: "ئەنجیلا مێرکلە، ئایا نمەزانۆنە کە دەسەڵاتە کوردکوش و ئەرمەنی-کوشەکەو ئەردۆغان بێ، کە جە خاڵەسنوریەکاۋە پەیتا پەیتا چەتەکا داعشی ڕەۋانەو سوریای کەرێنە و جە هەمان ئا خاڵە سنوریاۋە کۆچبەرە سوریەکا بە لێشاۋ پەی تورکیای فاڕێۋە تا پێسەو کارتو فشاری دژ بە ئەڵمانیای و ئەوروپای بەکارشاباۋەرۆنە و بە مەیل و ئارەزوو وێش سەودا و مامەڵەشا پۆۋە بکەرۆنە".
قەرەسو، ئەوروپاش بە پاشێلکەرو بەها ئەخلاقیە مرۆیەکا بەنامێ مەکەرۆنە و پەی سەلمناو ئانێچە تەسلیمکەردەو ژەنە سیاسەتمەدارەو کوردی (گولزار تاشدمیر)ش بە نمونە نیشان دان و بە شەرمەزاری گەۆرە پەی ەرویجی و ئەوروپایش مزانۆنە. ئا کردەۋە وەختێۋەنە بیەن کە خاس زانیان کە کتەسلیمکەردەی گولیزارێ بە تورکیای ژیۋاش مەزۆنە مەتەرسی، بەڵام دیسان ئانە ۋەرچەم نەگیریان".
