مستەفا قەرەسوو: "رێبەر ئاپۆ بە ئەرەمەرزنای پەکەکەی، پیلانو دلێەبەردەی کوردیش شکست پنەدا و کوردش وشیار و زینڎە کەردەۋە، هەر پۆکەی ئیسە جە ئیمرالی بە ئەشکەجە، گۆشەگیری و پەراۋێز ۋستەی سەخت و قورس تۆڵەش چنە کەراۋە".
ڕۆچنامەو ئۆزگور پۆلیتیکای سەبارەت بە گۆشەگیرى و ئەشکەنجەی سەخت، کە جە ئیمرالی دژ بە عەبدوڵا ئۆجالان، ڕێبەرو گەلو کوردی پەیڕەو کریۆنە، دیمانێۋش چنی مستەفا قەرەسوو، ئەندام جە کۆنسەو ڕاۋەبەری کۆما جڤاکێن کوردستان (کەجەکە)ی ئەنجام دان.
جەی بارەۋە قەرەسوو واتەنش: "ڕێبەر ئۆجالان و پەکەکە، ڕێبەر و جمیەرێۋی ئاسایێ و سیاسیێ نییەنێ، کە تەنها بە بەرنامێۋی سیاسی و باسکەردەی ڕواڵەتی جە ئازادی کورد و کوردستانی بەسەندەشا کەردەبۆنە، بەڵکو تاۋانشا سەرپا عەقڵیەت، هەست، پەیلۋای، خێزان و بنەماڵە، پەیوەندی خزمایەتی و هامسایی و ژیۋای کوردی فاڕانە. جە ڕاسیەنە ئۆجالان گلێرگێۋی نۆش خوڵقنا، تا تاکەکێش بتاۋانە بەشێۋەی ئازاد و دیموکراسی و دوور جە دماکەوتەیی بکۆشانە و ژیۋای شایستە و شکۆمەندانە بەسەربەرانە".
قەرەسوو جە بەردەۋامیەنە ماچۆنە: "بە ۋنەکۆشای ئۆجالانی ڕاسینەو کوردی ئازادی خوڵقیا، کە ناوەندەکەش ئامەد-ەن. ڕێبەر ئاپۆ سەبارەت پانەیە واتەنش: 'ڕاسینەو ئا کوردەیە کەم خوڵقنانم، ڕاسینەو ئا کوردە ئازادانە کە ناوەندەکەشا ئینا جە ئامەد'".
جە دماییەنە مستەفا قەرەسوو، ئەندام جە کۆنسەو ڕاۋەبەری کۆما جڤاکێن کوردستان (کەجەکە)ی، ئاشکراش کەردەن: "رێبەر ئاپۆ بە ئەرەمەرزنای پەکەکەی، بەتەمامی پیلانو دلێەبەردەی کوردیش شکست پنەدا و سەرجەنۈ و جارێۋتەر کوردش زینڎە و وشیار کەردەۋە. هەر ۋەرو ئانەیەنە کە نزیک بە ۲۰ ساڵێن جە ئیمرالی گۆشەگیری و ئەشکەنجە و پەراوێزی سەخت و قورسش سەرەرە پەیڕەو کریۆنە. بەی جۆرە تۆڵەش چنە کەراۋە".
