كاربه‌ده‌ستێ ئێرانی ئاشکراشا کەردە بێ، كه زینڎانیی سیاسیی كوردی ڕامین حوسێن په‌ناهی به‌بێ ده‌نگی جەدار مڎانە، سەرو ئانەیە نەتەوە یۆگرتەکێ بەدەنگ ئاما و داۋاش جە ڕژێمو ئێرانی کەرد، جەدارداکەی مدرنۆنە.
تتت
ۋەڵتەر کاربەدەستێ ڕژێمو ئێرانی ئاکراشا کەردە بێ، بڕیارشا دان دمای جەزنەو ڕەمەزانی، زیندانیی سیاسیی كوردی (ڕامین حوسێن په‌ناهی) جەدار بڎانە. بڕیارەکە جە دلێ و بەرو ئێرانیو کوردستانی کارۋەدای و ناڕەزایەتیش دمارە ئاما بێ. جەی بارەۋە ڕاپۆرته‌رە تایبه‌تەکێ نه‌ته‌وه یۆگرێتەکا (ئاگنێس كالامارد، دانیوس پوراس و نیلس مێزله‌ر) وریاییشان بە ئێرانی دا و دۋاشا کەردە، بەزوویی جە دارداکەی مدرنۆنە.
ڕاپۆرته‌ره‌كێ ده‌ستنیشان کەردەن: "ڕامین حوسێن په‌ناهی به‌شێۋێ دادپه‌روه‌رانه دادگایی نەکریان و مافە ته‌ندرووستی و پزیشكییەکێش پاشێلێ کریێنێ و زینڎانەنە ئه‌شكه‌نجه کریان، هاموەخت تاۋانبارکەردەی پەناهی بە پا ستانداردە جیهانیەکا نەبیەن".
ڕاپۆرتەرەکێ نەتەوە یۆگرێرتەکا، غەمگینی و نیگەرانی وێشان سەبارەت بە دۆخو ڕامینی بەرۋستەن و هامسۆزیشا پەی نیشان دان.
ڕامین حوسێن په‌ناهی، ڕۆو ٢٣و حوزه‌یرانی ٢٠١٧ جە شارو سنەی بە برینداری دەستگیر کریا بێ و دمای مانگێۋی ئەۋەمەنەی جە زینڎانو ئیتلاعاتی و ئەشکەنجە کەردەیش، دادگا ڕژێمی بڕیارو جەداردایش دابێ. بڕیارەکە ناڕەزایی فرەش دمارە ئاما بێ و چەندین چالاکیێ و کەمپینێ جە کوردستان و هەندەرانەنە دژش ئەنجامێ دریێنێ.
ت
