هەپەگە ئاشکراش کەرد، جە برادۆست و بارزان و دێرسیم گەریلاکێشا هێزە داگیرکەرەکێ تورکیاشا کەردێنێ ئامانج و جە ئەنجامەنە ۱٤ سەربازێ کوشیێنێ. جە مێردین جە لولێ دابەشکەردی گازی سروشتی دریان و زیانشا پنە یاۋنیان.
جەی بارەوە دلێگەو یاۋنەری و چاپەمەنی هێزەکا پارێزنای هەپەگە-ی بە ۋەڵاکریێۋ ئی زانیاریێشە دێنێ:
سەعات ۱۸:۳۰ دەیەقێ ئێۋارەگا ۱٥و تەمووزی، جە بەرزایەکا لێکیانو دەڤەرو برادۆست-و پانیشتو کوردستانی، گەریلا جە دۋێ قۆلێۋە دژ بە سەربازە داگیرکەرەکا تورکیای چالاکیشا ئەنجام دان. جە چالاکیەکەنە لانی کەم ۸ سەربازە چەتێ وژمنی کوشیێنێ و ژمارێۋ تەریچ زامدارێ بیێنێ.
هەمان ڕۆچ سپا بەزیاکەو تورکیای تۆپۋارانو دەگاو بۆسینەیش کەردەن و جە ئاکامشەنە زارۆلێۋبە نامێ "موحەمەد مەعرف"ی گیانش سپاردەن.
١٦و تەمووزی سەعات ١٩:٠٠ ئێۋارەگای، جە بەرزایەکا بایراک-و سەر بە بارزانی،گەریلا، جە هێزە داگیرکەرەکا تورکیاش دان و بەهۆشەۋە لانی کەم ٤ سەربازە چەتێ تورکیای کوشیێنێ.
هاموەخت بەڵام جە مێردین، لولێ دابەشکەردی گازی سروشتی کریێنێ ئامانجو چالاکی گەریلای و زیانی فرەشا دریان ۋنە.
۸و تەمووزی جە نزیکو دەگاو دەرۆڤا-ی، کە سەر بە ناوچەو قیسلە-و دەرسیم-یەنە، گەریلا 'یونس دالگین، ئەژناسیابە مەرڤان فارقین'، جە ئەڎابییەی ئامەد-ی، جە ڕوودایێۋەنە شەهید بیەن. دمای ڕوودایەکەی گەریلاێ یاۋێنێ یاگێ شەهیدبیەکەیش و چاگە ڕووبەروو تیمە تایبەتەکا تورکیای بیێنێ و چن هەنتری گژیێنێ. گژیاکە کوشیای ۲ ئەنداما تیمە تایبەتەکا دژمنیش دمارە ئامان.
