جا بارەۋە دلێگەو یاۋنەری و چاپەمەنی هێزەکا پارێزنای گەلی-هەپەگە-ی، ۋەڵاکریێۋش دان و ئاشکراش کەردەن: " نیمەڕۆ ۱۸و حوزەیرانی جە جۆلەمێرگ گەریلاکێ هەپەگە-ی و یەژەئاستار-ی جە بەردەۋامی هەڵمەتەو شۆڕشگێڵی شەهیدا ئاگری و پیرۆزی دژو سەربازا سپاو تورکیای جە 'گرێ کۆردینەی سەر بە چەلێ' چالاکیشان ئەنجام دان و گورزی فرە قورسشا ۋنە دێنێ، بەڵام بەتەمامی زیانە گیانی و مادیەکێشا نەزانیێنێ، تەنها کوشیای ٥ سەربازاشا پەشتڕاس کریانەۋە".

 سەعات ۲۰:٤٥ شەوێ، کارۋانێۋی سەربازی کە جە جۆلەمێرگەۋە ڕووەو چەلێ کەوتەبێ ڕا، جە نزیکو دەرەو بەدەلی کریان ئامانجو چالاکی گەریلای و بەهۆشەوە زرێپۆشێۋ دلێنە بریان و لانی کەم ۱۰ سەربازێ دوژمنی کوشیێنێ. دمای چالاکیەکەی سوپاو تورکیای بە قورسی و بێسەروبەر ناوچەکەش تۆپۋاران کەردەن.

ۋێرەگاو ۱۷و حوزەیرانی جە دێرسیم، جە بەردەۋامی هەڵمەتەو شەهیدا ئۆزان و ڕۆزێ، گەریلا گورزش جە هەلیکۆپتەرێوی سکۆرسکی دان و ناچارشا کەردەن جە دەڤەرەکەی دوور بگنۆۋە.

 هەر جە ۱۷و حوزەیرانی بەڵام جە بەدلیس، گەریلا جە نزیکو دەگاو عەزێ-ی کە سەر بە ناوچە تاتوانان-یەنە دژو سپاو تورکیای چالاکیشا ئەنجام دان و جە ئاکامشەنە لانی کەم ۳ سەربازێ دوژمنی کوشیێنێ و ۲ تەریچ بریندارێ بینێ.