سەعات ۰۸:۰۰ سەرسەبای ئارۆی جە سەرتاسەرو کوردستانی سەرینی و تورکیای جە چوارچێۋەو هۆرۋچنایەکا پارلمانی و سەرۆکایەتی کۆماری، پڕۆسەو دەنگدای دەسش پنە کەرد و تا سەعات ۱۷:۰۰ وێرەگای بەردەۋامەن. پەی ئانەیە چەمداری پڕۆسەکەی بکەرانە جە سەرتاسەرو جیهانی بە تایبەتی ئەوروپای ٤۸۰ چەمدارێ میاننەتەوەیی سەردای ئا وڵاتێشا کەردەن. دلێ چەمدارەکانە پارلەماتار، پارێزەز، مافپارێز، ڕۆژنامەوان، چالاکوان وسیاسەتمەدارێ هەنێ. 

 جەی بارەۋە، شیار ئۆسۆی، هاریکارو هامسەرۆکایەتی گردی هەدەپە-ی، پە پەیۋەدیەکا بەری واتەنش: "فرێو جە چەمدارەکا سەرو داۋا ئێمە ئامانێ و  ۋەڵتەر ئێمە سەردای یەکێتی ئەوروپای، ڕێکۋستەو AGIT، پارلەمان و پارلەمانتارا ئەوروپایما کەرد و دۋاما ونە کەردێ بەیا تورکیا و چەمداری پڕۆسەکەی بکەرانە و ئاڎێچێ قبوڵشا کەرد و ئانە یەک مانگەن چەمداری وێشا درێژە پنە مڎا ".

یاگێ ئاماژەیەنە، کە جیا جە ئی ٤۸۰ چەمدارەیە، ڕژێمەکەو ئاکەپەی ڕاگیریش جە ژمارێۋتەر جە چەمدارە میاننەتەوەیەکا کەردەبێ و ڕاش پنە نەڎێ بێنێ بشانە تورکیا و فڕۆکەخانەنە دەسگیرێش کەردێ بێنێ و دماجار ڕەۋانەو وڵاتەکا وێشاش کەردێبێنێ. یۆ چانیشاچە جەبار ئەمین، پارلەمانتارو سویدی بیەبێ.