كۆمیته‌و ڕاۋەبەری پارتو کارکەرانو کوردستانی-پەکەکە، جە پیرۆزبایی-نامێۋەنە دەستنیشانش کەردەن: "پارته‌كه‌مان پەکەکە، خەباتی و کۆشاشاییش جە ساڵێ ٤۰مین دەربازو ساڵێ ٤۱ مینی مەکەرۆنە، پی بۆنەۋە گەلەکەمان و پارت و لایەنە دیموکرات و شۆڕشگێڵەکێ جە هەر چوار بەشێ کوردستانی و وەرهۆرزی میانی و جیهانی بە جۆشەۋە پیرۆزبایی جە ئەرەمەرزنای پارتیمان و جەژنەو ئەۋەژیۋای مەکەرانە. ئێمە جە ڕاۋەبەری پەکەکەی سپاس و ستاییش و پیرۆزبایی وێمان ئاڕاستە ئاڎیشان و سەرجەم ئا کەس و لایەن و ڕێکۋزیایانە مەکەرمێنە کە بەجۆش و خرۆشەۋە بە کۆبییە و چالاکیێ مەزنێ پیرۆزبایی جە پارتیمان مەکەرانێ. هاموەخت بەدڵ و بەگیان پیرۆزبایی جە ڕێبەرایەتیمان ڕێبەر ئۆجالانی، سەرجەم هامڕێ پارتیمان، گەلی وڵاتپارێز، گەریلاکێ ئازادی، جمیەرو ژەنێ، گەنجێ، دۆستە شۆڕشگێڵێ و دیموکراتەکێمان مەکەرمێنە. بە منەتداری و ڕێزداریەۋە شەهیدە قارەمانەکانمان، کە کاروانەکەشان بە بە هامڕێ نەمر حەقی قەرار دەستش پنە کەرد تا هامڕێمان ده‌لال، زه‌كی، ئاتاكان، مه‌دیا و سەرجەم شەهیدێ ئازادی، یادشان مەکەرمێۋە و بەڵێنشان پنە مڎێمێنە کە هیۋا و ئامانجەکانشان بەدی باۋەرمێنەو ڕەۋانشان شاڎ بکەرمێنە. دیسان جە ٤۱مین ساڵەو پارتیمانە هیواو سەرکەوتەی پەی سەرجەم ئاکەسانە موازمێنە کە ڕاو ئازادی و دیموکراتییەنە مەکۆشانە".

كۆمیته‌و ڕاۋەبەری پارتو کارکەرانو کوردستانی-پەکەکە، ئاماژەش بە سەرەتاو بناغە ئەرەنیای پارتەکەیشاۆ کەردەن و ئاشکراش کەردەن: "هەر کەسێ مزانۆنە کە بناغەو پەکەکە جە نەورۆزو ۱۹۷۳ی جە کەنارو رۋارو چووبووبکی جە ئەنقەرە جە لاو ڕێبەر ئاپۆی نریارە. جە ۱۹۷۷ ئیتر ئا بناغە جە کوردستان بی بە جمیەرو گەنجێ شۆڕشگێڵێ، جە ٢٦-٢٧ی مانگەو ۱۱و هەمان ساڵی جە دەگاو فیس-ی کە سەر بە ناوچەو لیجەو ئامەد-یەنە یەکەمین کۆنگره‌ بەسیا و بەرهەمەکەش بە فەرمی ئەرەمەرزنای پەکەکەی بێ. دماتەر جەساڵیادو پارتیمانە مدرامانەکێ حیلوانی و سیوەرەکی(۱۹۷۹) بە پێشەنگی پەکەکەی ڕووەشان دا. جە کودەتاکەو ۱۲و ئەیلولی پەکەکە جە تورکیانە بی بە تاکە جمیەری ئازادی و شۆڕشگێڵی و ڕووبەروو کودەتاکارانی مدراۋە. جە ۱۹۸۲ بەشێوەی ئایدۆلۆژیکی، شکستشدا بە ڕژێمی (فاشیست-سه‌ربازی) ١٢و ئه‌یلوولی و بە مدرامانەکەو زیدان-و ئامەد-ی مۆرەو سەرکەوتەیش جە ئا شکستەیەدا. دماتەر بەقەڵەمبازێ لەشکری و گەریلایی و شۆڕشی چەکداری جە ۱٥ ئاب-و ۱۹۸٤ی مدرامانو مێژوویی گەریلای دەستش پنەکەرد. جە نەورۆزو ۱۹۸٥ی ئەرتەشو ڕزگاری نەتەوەیی-(ERNK) مەرزیارە. جە ۱۹۹۰ ئاخێز و سەرهۆردای گەلی شۆڕش و مدرامانی نەتەوەییش ئافڕنا و شۆڕشو ژەنێ دەستش پنەکەرد. هەمان ساڵ هێرشێ فاشستیێ و قڕکەرێ، کە بە پەشتیۋانی و هامکاری خیانەتکاران مەکریێنێ، پەکەکە مدرامانی قارەمانەنش نیشانەدا. بەڵام سەرەڕا سەرکەوتەی، بەڵام پەکەکەی نەتاواش ڕاگیری جە پیلانگێڵی میاندەوڵەتی ۱٥و شوباتو ۱۹۹۹ بکەرۆنە، کە جە ۹ ئۆکتۆبەرو ۱۹۹۸ی ئەمەریکا، بەریتانیا و ئیسرائیلی دەستشان پنە کەردێ بێ. دژ بە پیلانگێڵیەکەی ۲۰ ساڵێن پارتیمان هامتەریب چەنی گەلی و دۆستەکانمان مدرامانی داستانئاسا مەکەرۆنە. جە پانیشت، سەرنیشت، وەرنیشت و وەرهۆرزو کوردستانی خەبات کارا بریان ڕاۋە. دژ بە هێرشە هەرێمی و جیهانییەکان و هێزە فاشستەکان چوون (ئەل قاعیدە، داعش، ئاکەپە و مەهەپە)، کە یۆشان گێرتەن، جە شەنگال، مەخموور، کەرکوک، ڕەقا، عەفرین، جزیرە، سور و بۆتان و کۆبانێ هەر چوار بەشێ کوردستانی بە پێشەنگی جمیەری ئازادی کوردستانی مدرامانی قارەمانەنە کریان و سەرکەوتێ مەزنێ تۆمارێ کریێ کە جە ناوچەکە و جیهانەنە دەنگنشان داۋە و شانازیشان پۆۋە کریا".

درێژەش هەن