ئیقبال مورادی، چالاکۋانی سیاسی و مەدەنی و مافەکا مرۆڤی، شەۋێ ۋیەردێ، جە پێنجوێنە ئەڕفانیا بێ و دماتەر جە سەعات ٢٣:٣٠ دەیەقێ شەۋێ جە نزیکو دەرەو ئاڵیاواو پێنجوێنۍ تەرمەکەش ئێزیابێۋە کە ئاسەۋارو ۳ فیشەکاش پۆۋە بیەبێ و تەمەکەش پەی پەیجۆری بریابێ پزشکی دادوەری.

دمانیمەڕۆ ئارۆی دمای ئانەیە تەرمەکەش جە پزیشکی دادوەری هۆرگێریاۋە، بریا مزگی داروسەلامی جە شارچەو پێنجوێنێ و مەراسیمی ئاینیش پەی ڕێکۋزیا. دماتەر  ئەۋاۋەجەمیانە و ڕاپیمای و بە واتەو دروشما تەرمەکەش کە بە ئاڵاو (پەژاک)ی پێچیابێ بریا مەرزاگەو ڕاوگان-و پێنجوێنۍ و مەراسیمی شکۆدار و بەهێبەتش پەی ئەنجام دریا و پاڵو گڵکۆ شەهیدو دەسو تەرۆر ئێرانی کەمال پێنجوێنی-یەنە ئەسپەردە کریا.

جە مەراسیمەکەنە سەرەڕا ئامادەبیەی بنەماڵەو کۆچکەردەی و خەڵکی فرەی، نمانەرێ کۆمیتەو شەهیدا پەکەکەی، کۆدار، پەژاک و تەڤگەری ئازادی و چنڎین دەزگێ میدیای بەشدارێ بێنێ.

 ئامەد شاهۆ، ئەندامو ئەنجومەنو پەژاکی، جە مەراسیمەکەنە قسێش کەردێنێ و واتەنش: ڕژێمو ئێرانی و پاسدارەکێش ۋەرپەرسێ تەرۆرکەردەکەیەنێ و پێسەو پەژاکی کارۋەدایشا ۋەراۋەرو تەرۆرەکەی بۆنە و بەزوویی تۆڵەو مورادی مەکەراۋە. شاهۆ داۋش جە دەسەڵاتدار هەرێمو کوردستانی و ئیدارەو پێنجوێنۍ کەردەن، بە زوویی پەیجۆر پەی تەرۆرەرکەردەو ئیقبال مورادی بکەرانە و ئەنجامەکێش پەی ڕاو گردی ۋزانە ڕووە.