هیزی ۋێرەگا ژمارێۋ جە هاموڵاتیا چەندین شار و شارچا جە پانشتو کوردستانی دژ بە داگیرکاری تورکیا لۋێبنێ قەندیل و چاگە ڕاپیماییشا ئەنجام دابێ.

ڕاپیمایەکە، "گەنجا وڵاتپاێزی و ژەنێ گەنجێ" ڕێکۋستە بێ و جە دەگاو كۆمتانەیەۋە تا دەگاو سڵێ‌ درێژش کێشا و فرە بەگەرمی جەلاو قەندیلیەکاوەپێشۋازی و پەشتیۋانیش ۋنەکریا. ڕاپیمەرەکێ دروشمەكێ " جەنگ جەنگ جەنگ پەی ئازادیی جەنگ، جەنگ جەنگ جەنگ پەی پارێزنای قەندیلی جەنگ، جەنگ جەنگ جەنگ پەی ئازادی سەرۆک ئاپۆی جەنگ، ئەردۆغان خاس بزانە قەندیل هێڵی سورەمانە، تورکیا خاس بزانە قەندیل هێڵی سورەمانە، بژی مدرڵمانو قەندیلی" پەیتا پەیتا ۋاچیێۋە. 

ڕاپیمەرەکێ جە دەگاو سڵێی گلێرەوبیەشا ئەنجامدا و سەرەتا دەیەقێۋ پەی گیان بەختکەردا ئازادی مدرێ. دماتەر بۆتان گەرمیانی، ئەندام جە کۆمەڵا جەوانا خێرئامی ڕاپیمەرەکاش کەرد و واتش: " ئێمە چالاکی و ڕاپیماکێتا فرە واتادار مەۋینمێنە، کە جە چوارچێۋەو هەڵمەتو ' سەرهۆردە داگیرکەری دلێنەبەرە 'ی ئەنجام دریان. ئێمە پێسەو گەنجا کوردستانی ئەرکی سەرەکیما ۋنەکۆشایەن دژو داگیرکاری و کرێگرتەیی".

دماتەر میترا زەردەشتی بەنامێ  ێکۋستە ژنێ گەنجێ ۋنەکۆشەرێ قسێش کەردێ و ۋاتش : " هەتاکو داگیرکاری و هێرشێ سەرو خاک و خەڵکو کوردستانی بۆنە نمەبۆ هیچ گەنجێو ئیسراحەت بنیشۆرە. بشۆم بەتایبەتی گەنجێ و ژەنی کارا بەشدارو هەڵمەتو ' سەرهۆردە داگیرکەری دلێنەبەرە 'ی بانە. هێرش و داگیرکاری تورکیای پەی سەرو گردو پانیشتوو کوردستانیەن. ئامانجیچش بە تەمامی قڕکەردە و داگیرکەردەو کوردستانیەن. ۋەرۆ ئانەیە ئەرک و ۋەرپرسیاری ئێمەی گەنجیەن تا دژو داگیرکاری و هێرش وقڕکەردەکەی بێمێۋە".

هەرپاسە دەریا عومەر پێمەرگەی دێرین، قسێش کەردێ و واتش: " داگیرکەرێ هەرگیز نمەتاۋا قەندیلی داگیر بکەرانە، کە فرێۋ جەشۆڕشەکا چاگەۋە سەرشاهۆردان. ئێمێچ ئارۆ ئامێنمێ تا پەشتیۋانی وێما بیاۋنمێ گەریلای و جەختیچ بکەرمێ کە گەلو پانیشتو کوردستانی هەرگیزی داگیرکاری ڕژێمو تورکیای قبوڵ نمەکەرۆنە و دەس وداگیرکاریش پەی سەرۆ خاکەکەیما مەبڕمێ".

بەشداربیەکێ بە " دروشمو بژی مدرامانو قەندیلی" ودروستکەردەی قەڵغانی زینڎە دژو داگیرکاری وهێرشەکا تورکیا کۆتایی بە ڕاپیمایی وگلێرەبیەکەی ئاما.