ڕەفعەت عەبدوڵا خەرپانەیی ئەژناسیا بەڕەفعەت هەڵەبجەیی پارێزەر، چالاکگەری سیاسی و مەدەنی، وڵاتپارێز و کەسایەتی هەورامانی و پانیشتو کوردستانی جە وڵاتو سویدی بە نەوەشی کۆرۆنای کۆچی دمایش کەرد.
ڕەفعەت هەڵەبجەیی هەم جە دلێ و هەم جە بەرو وڵاتی ڕەخنەگرێوی سەرسەختو دەسەڵاتداری باشورو کوردستانی بێ و تا کۆچی دماییش کەرد هەمیشە جە بەرەو خەڵکو کوردستانیەنە مەنەوە. مەخابن دما جار جە وڵاتو سویدی و جە غەریبی و دوورە وڵاتییەنە بە نەوەشی کۆرۆنای سەرەش نیاوە.

هەر بە ئی بۆنە غەمناکەوە پلاتفۆرمو هۆرام-ی پەیامێوی سەرەوەشیش وەڵاوکەردەنەوە کە ئینە دەقەکەشەن:

پەیاموو سەرەوەشی پلاتفۆرمو هۆرام-ی بە بۆنەو کۆچو ناووەختو کاک رەفعەت خەرپانەیی کەسایەتی نامدار ، وەڵاتپارێز و وەشەویسوو کۆمەڵگاو هۆرامانی.

خەڵکوو وەشەویسوو هۆرامانی، خانەوادەو ئازیزو کاک رەفعەت خەرپانەیی ئەژناسیا بە رەفعەت هەڵەبجەیی، بە داخێ گرانەوە کۆچو ناوەختو وەشەویسو کۆمەڵگاو هۆرامانی و کوردا هەندەرانی کاک ڕەفعەت-ی بەهۆکارو تووش بییەی بە نەوەشی کرۆۆنای جە وەڵاتو سوئید-ینە تاسنامێش و دڵگرانێش کەردیمێ. پسۆ پلاتفۆرمو هۆرام-ی سەرەوەشی وێما ئاراستەو گردو خەلکو هۆرامانی و خانەوادەی وەشەویسیش مەکەرمێ و هام خەمێتانمێ و ئی کۆسەیتا بە کۆست و وێما مزانمێ، هیواما سەبووری و ئارامیتانە. هەر پاسە داواما ئانەن کە خوای گەورە رۆحش بە بەهەشتی بەرینی شاڎ کەرۆنە.
خەڵکو هۆرامانی بە گردی و کوردا هەندەرانی بە تایبەتی بە بۆنەو وەشەویسی، وەڵاتپارێزی و سادەیی ژیوایش، پەی هەمیشەی کاک رەفعەت ویرشانە مەنۆوە و  یادش مهکەراوە. جارێو تەر سەرەوەشی وێما ئاراستەتا مەکەرمێ و خەمەکاتا بە خەمو وێما مزانمێ.