ئارۆ، هامسەرۆکایەتی کۆنسەو ڕاوەبەری کۆما جڤاکێن کوردستان-کەجەکە-ی، دەربارەو ئەنجامو هۆروچنایەکا پارلەمان و سەرۆک کۆماری تورکیای وەڵاکریاش دان و ئاشکراش کەردەن: "  هۆروچناکێ جە بارودۆخی نائاسایی و فرتوفێل و ساختەکاری-یەنە، بریێنێ ڕاوە. دەسەڵاتداری ئاپەکە-مەهەپە-ی، پەی رەوایەتی دای بە دژبەری کەردەی دیموکراتی و گەلو کوردی بڕیارو هۆروچنای وەروەختیش دا، تا بەئاوەز و دڵ-و وێشا ئەنجام بەدەست بوزانە. پەی بەدی ئامای ئانێچە، هەرچی فشار و زۆرداری بێ پەیڕەوشا کەرد و دەسکاری دەنگەکا دلێ سندوقەکاشا کەردێ و ئەنجامی ناڕەواشا بەدەس وست. ئاشکرا بی کە سیتەمی فاشستی ئاکەپە-مەهەپە-ی، گەرەکش نییەن بە ڕاو دیموکراتی و هۆروچنای ئازادی دەستبەدار و دەسەلاتداری بۆنە، پۆکەی پەناش بەردێنە پەی فشار، زۆرداری، ساختەکاری و ئەنجامی ناڕەوای".  

کەجەکە، داواش جە لایەنە دیموکراتیوازەکا تورکیای کەردێنە، ئەنجامو هۆروچنایەکا قبوڵ نەکەرانە و نەلانە چیرو بارو زۆرداری ئاکەپە-مەهەپە-ی و ڕەوایەتیش بدانە پنە، گەرەکەن دژبەرش بمدراوە و هەڵویست نیشان بدانە.

کەجەکە، باسش جە سەرکەوتەی هەدەپە-ی کەردەن و ئاشکراش کەردەن: " یۆ جە ئامانجەکا فاشیزمی ئانە بێ تا هەدەپە بەندو ١٠٪ی دەرباز نەکەرۆنە، بەڵام گەلو کوردی و گەلێ تورکیای خاوەنداریشان جە هەدەپە-ی کەرد و ئامانجەکەشا پوچەڵ کەردەوە. ئێمە بە ئەی بۆنەوە پیرۆزبایی جە گەلو کوردی و سەرجەم دیموکراسیوازا تورکیای مەکەرمێنە".

کەجەکە، دەسنیشانش کەردەن: " ئاکەپە و مەهەپە، پەشتگیری گلێرگەی و پارتە سیاسیەکاشا جە دەس دان، تەنیا لایەنە فاشیزم و قڕکەرەکێ پەشتیوانیشا مەکەرانە و پێوەرە پەرە بە فاشیزم و دوژمنایەتی و ئاژاولێ مدانە و ئانێچە جە ڕووەو ئەخلاقی و کۆمەڵایەتی قبوڵ نمەکریۆنە و شکست بارۆنە. بێگومان وەختێ خەبات دژشا دەست پەنە بکەرۆنە، تەمەنو دەسەڵاتداریشا کوڵ مارۆنە و نمەتاونە درێژەش پنە بدریۆنە".

کەجەکە، داوا وشیاری جە گەلو کوردی و هێزە دیموکراسیوازەکا تورکیا و خوڵقنای ونەکۆشایی دژو دەسەڵاتە فاشیزمەکە و ئاکەپە و مەهەپە-یش کەردەن و بە پەیلوای کەجەکە-ی:" جگە جە کۆشش و خەباتی، هیچ رێوە تەرە پەی چارەسەرکەردەی کێشەکا و مدرای وەرانوەرو فاشیزمی نییەنە، چونکە جە دمای هوروچنایەکا ۲٤ حوزەیرانی دەسەڵاتی فایشیزم، درێژە بە دوژمنایەتی گەل و کوردی و ئازادیواز تورکیا مدۆنە و ئانێچە خەبات و ونەکۆشای فراوان و هامەبەش فەرز کەرۆنە. چا چوارچێوەنە بشۆم کورد و ئازادیوازێ جە گرد وەخێوی زیاتەر بە هێز و ئیرادەوە بەیانە مێدان و کۆتایی بە دەسەڵاتی فاشیزمی باوەرانە".