جا بارەوە بروسک حەسەکە، قسەکەرو یەکینەکا پارێزنای گەلی-یەپەگەی بە ئاژانسەکێما فورات نیوزیش وات: " ڕۆو شەممەی، جە ناوچەو پیشەسازی دلێ شارو عەغرینیەنە، شەڕڤانەکێشا دژ بە بارەگێۋو چەتەکا 'ئەلفەیلەق شام و ئەلئەحرار شام'ی چالاکی فرە کاریگەرشان ئەنجام دان. جە ئاکامو چالاکییەکەیەنە، ۱۹ چەتێ کوشیێنێ و دەیانی تەریچ بریندارێ بیێنێ و بارەگاکێچ وێران کریان و ٤ ماشینێ سەربازیێچ دلێنە بریێنێ".

بروسک حەسەکە، قسەکەرو یەپەگەی ئاشکراشکەرد: " جە ماۋەو ۳ ڕۋانە شەڕڤانەکێشان ۹ چالاکیێشا دژو هێزە داگیرکەرەکا ئەنجامێ دێنێ و جە ئاکامشانە زیاتەر جە ٦۰ سەربازێ و چەتێ دوژمنی کوشیێنێ و دەیانی تەریچ بریندارێ بیێنێ".

بروسک حەسەکە، واتیچش: " هەتا بەرکەردەی سەرجەم هێزەکاو دوژمنی جە عەفرین و ئازادکەردەی کانتۆنەکەی چالاکییەکێشان بەردەۋامێ مەبان".