بۆ بینینی ڕێبەری گەلی کورد عەبدوڵا ئۆجالان داواکارییەک پێشکەش کرا
پارێزەرانی ڕێبەری گەلی کورد عەبدوڵا ئۆجالان بۆ بینینی موەکلەکانیان جارێکیتر داواکارییان پێشکەش کرد.
پارێزەرانی نوسینگەی یاسای سەدە، ڕێزان ساریجا، ڕازیە ئۆزتورک، فایک ئۆزگور ئەرۆڵ و مەزڵوم دینچ، بۆ بینینی موکلەکانیان کە لە ئیمرالی لەژێر گۆشەگیرییەکی ڕەهادان، عەبدوڵڵا ئۆجالان، ئۆمەر خەیری کۆنار، حەمیلی یڵدرم و وەیسی ئاکتاش، داواکارییان پێشکەش بە داواکاری گشتیی بورسا و بەڕێوەبەرایەتی زیندانی ئیمرالی کرد.
لە ٢٥ی ئازاری ٢٠٢١ەوە تا ئێستا هیچ زانیارییەک لە بارەی ڕێبەری گەلی کورد عەبدوڵڵا ئۆجالان دەست نەکەوتووە.
پارێزەران بۆ بینینی ڕێبەری گەلی کورد هەفتەی دووجار داواکاری پێشکەش دەکەن، بەڵام داواکارییەکانیان بێ وەڵام دەمێنێتەوە.
لە ماوەی ١٢ ساڵی ڕابردوودا پارێزەران تەنیا ٥ جار توانیویانە ڕێبەری گەلی کورد عەبدوڵڵا ئۆجالان ببینن. دوایین چاوپێکەوتنی پارێزەران لە ٧ی ئابی ٢٠١٩ ئەنجامدراوە کە چوارسال بەسەر ئەو چاوپێکەوتنەدا تێپەریوە.
