چوارەم ژمارەی "بوڵتەنی گۆشەگیری"ی کۆمەڵەی مافناسان بۆ ئازادی (ئۆهەدە) دەرچوو، کە پەیوەستە بە گۆشەگیری سەر ڕێبەری گەلی کورد عەبدوڵا ئۆجالان و سێ زیندانییەکەی تر، حامیلی یەڵدرم و عومەر خەیری کۆنار و وەیسی ئاکتاش و هەر ١٥ ڕۆژ جارێک دەردەچێت. لە بوڵتەنەکەدا دەستنیشانکراوە، لە ٢٥ ی ئاداری ٢٠٢١ ـەوە هیچ زانیارییەک دەربارەی ڕێبەری گەلی کورد عەبدوڵا ئۆجالان و سێ زیندانییەکەی تری ئیمراڵی بەردەست نییە.

لە بوڵتەنەکەدا ئاماژەکراوە بە بومەلەرزەکەی ٤ ی کانوونی یەکەم گەملیک، نووسینگەی یاسایی سەدە و بنەماڵەی ڕێبەری گەلی کورد عەبدوڵا ئۆجالان و بنەماڵەی هەر سێ زیندانییەکەی تر لە زیندانی ئیمراڵی داوای دیداریان کرد. هەروەها ئاماژەکراوە بە چالاکی مانگرتن لە خواردن کە ٢٧ ی تشرینی دووەم بۆ لابردنی گۆشەگیری سەر ڕێبەری گەلی کورد عەبدوڵا ئۆجالان دەستی پێ کرد و ئێشکگری دادپەروەری بۆ پشتگیری لە زیندانیانی مانگرتوو لە ئامەد و مێرسین و وان و ئەدەنە و ئیستەنبوڵ.

لە بوڵتەنەکەدا تیشکخراوەتەوە سەر ئەوەی، نزیکەی ٣ ساڵە هیچ زانیارییەک دەربارەی ڕێبەری گەلی کورد عەبدوڵا ئۆجالان و سێ زیندانییەکەی تر بەردەست نیە و چەندین لایەن سەردانی کۆمەڵەکەیانیان کردووە، هەروەها ئیهەدە بۆ ئەمە چەند جارێک سەردانی وەزارەتی دادی کردووە، بەڵام هێشتا وەڵام نەدراونەتەوە.