ئەمیر ڕەئیسیان پارێزەری پەخشان عەزیزی لە پێگەی فەرمی خۆی لە تۆڕی کۆمەڵایەتی ئێکس سەبارەت بە سزای لەسێدارەدانی پەخشان عەزیزی، پەیامێکی بڵاوکردەوە و گوتی دواکاری بۆ دادگایکردنەوە ڕەتکراوەتەوە.

ئەمیر ڕەئیسیان ڕایگەیاند، لقی نۆیەمی دادگای باڵای ئێران دووبارە دادگایی کردنی پەخشان عەزیزی زیندانیی سیاسیی کورد لە زیندانی ئەوین ڕەتکردەوە و ژیانی پەخشان عەزیزی مەترسی لەسێدارەدانی لەسەرە.

ئاماژەی بەوەشکرد، لەسەر بڕیارەکە و پرۆسەی دادگایی کردنەکە ناڕەزایەتی دەردەبڕین لەبەرئەوەی کەموکورتی هەیە.