فەخرەدین ئۆژان کە لە ١٦ی حوزەیران پاش ٣٠ ساڵ لە زیندانی ئامەد ئازاد کرا، بە شێوەیەکی جەماوەری گەل چوونە پێشوازییەوە. ئۆژان، لەلایەن کۆمەڵەی هاوکاریی بنەماڵەی زیندانیانی سزا دراو  و دەستبەسەرکراوان(توهای دەر)، بەڕێوبەرانی پارتی یەکسانی و دیموکراسی گەلان (دەم پارتی) و پارتی هەرێمە دیموکراتیکەکان (دەبەپە)ی شار و ناوچەکان، پەرلەمانتار سەباحەت ئەردۆغان سارتاش، هاوسەرۆکی شارەوانی سێرت سۆفیا ئالاگاش و خەڵکێکی زۆرەوە چوونە سەردانی.

لە سەردانەکەدا ئۆژان بەگەرمی پێشوازی لە جەماوەر کرد و لە میانەی قسەکانیدا، سڵاوی لەو زیندانیانە کرد کە لە زیندانەکاندا بەرخۆدان و تێکۆشان دەکەن و داوای پشتیوانی زیاتری بۆ زیندانیان کرد.

فەخرەدین ئۆژان (٥٧ ساڵ) لە ساڵی ١٩٩٤لە ئەستەنبوڵ دەستبەسەر و دادگای ئاسایشی دەوڵەت بەتۆمەتی تێکدانی ئاسایشی دەوڵەت، سزای قورسی بەسەردا سەپاند. ئۆژان لەماوەی ئەم ٣٠ ساڵەدا لە زیندانەکانی: بایرامپاشا، ئوومرانیە، بورسا، بۆلوو و ئامەد ماوەتەوە.