ئەندامانی بزووتنەوەی گەنجانی شۆڕشگێڕ (تەجەشە)، ژنانی گەنجی تێکۆشەر (تێکوژن) و گەنجانی ئینتەرناسیۆنالیست لە شاری لەندەنی پایتەختی بەریتانیا ڕێپێوانێکیان بۆ هەڵگرتنی گۆشەگیریی سەر ڕێبەری گەلی کورد عەبدوڵا ئۆجالان و ئازادی جەستەیی ڕێبەری گەلی کورد رێکخست.

ژمارەیەکی زۆر لە کوردستانیان و دۆستەکانیان بەشداریی رێپێوانەکەیان کرد، کە لە گۆڕەپانی ترافالگار دەستیپێکرد. لە ڕێپێوانەکەدا پۆستەری "ئازادی بۆ ئۆجالان" و وێنەکانی ڕێبەری گەلی کورد عەبدوڵا ئۆجالان و ئاڵاکانی پەکەکە بەرزکرابوونەوە. لە ڕێپێوانەکەدا دروشمەکانی "بژی سەرۆک ئاپۆ" و "ئازادی بۆ ئۆجالان" دەوترانەوە.

لە ڕێپێوانەکەدا گەنجان داوای کۆتایهێنان بە گۆشەگیریی سەر ڕێبەری گەلی کورد عەبدوڵا ئۆجالانیان کرد و بڵاوکراوەیان بۆ ئازادی جەستەییان بەسەر هاووڵاتییان دا دابەش دەکرد.

چالاکییەکە نزیکەی کاتژمێرێک بەردەوام بوو، چالاکییەکە بە بڵاوکردنەوەی بانگەواز بۆ بەشداریی هەموو گەل و بە تایبەتی گەنجانی کورد بۆ بەشداریکردن لە چالاکییەکان، لە پێناو ئازادیی جەستەیی ڕێبەری گەلی کورد عەبدوڵا ئۆجالان کۆتایی پێهات.

ژ.ت