مېیانو ئەرەیاۋنای و چاپەمەنی یەکینەکاو پارېزنای ۋەرکۊتوو کوردەسانی (یەرەکە) جە ئەرەیاۋنێوەنە شناسنامەو گەشمەرڎەبیەو گەریلا ڕەشید ڕۆژهاتیش پەی ڕای گرڎیی وەڵا کەرڎۆ و ئەرەیاۋناش پەی پێکئاوردەو ۋەرمو گرڎو گەشمەرڎاشا درێژە بە ئەوەکۊشایشا مڎا و بە سەرکۊتەی تاجدارش مکەرا.

ئەرەیاۋناکەو یەرەکەی پی جۊرەنە:

"هەمڕاما ڕەشید ڕۆژهات جە ٧و ئادارو ٢٠٢٤ێنە جە کەشو شاهۆینە جە کاتو بەئەنجام یاونای ئەرکی شۆڕشگێڵنیشەنە، جە ئاکامو کۊتەترە واریش جە سەختیێوەنە گەشمەرڎە بی. گەشمەرڎەبیەو هەمڕایما جە دڵۆ ئێشش لا یاونایمې و فرە خەمبارێش کەردیمۍ.

هەمڕاما ڕەشید ڕۆژهات جە جۆلەمێرگەنە جە ئەڎۍ بی. جە عەشرەتو مامخوورییا و دلې بنەیانێوە وڵاتپارێزینە پەروەردە بیەن. عەشرەتو مامخووری یۆن چا عەشرەتا خاوەنداریش جە شناسنامەی کۆمەڵایەتی ۋێش کەردەن و داراو بنەمای هێقمی وڵاتپارێزین. بە دەیان ڕۆڵې قارەمانێشا بەخشێنې بە وڵاتی و شۆڕشی. دلې بنەیانەکەیشەنە هەمڕای گەشمەرڎەما، باهۆز (ناجی بۆزکورت)ـی براو گەشمەرڎە ڕەشیدی جە ساڵۊو ٢٠١٦ینە جە شڕناخ بە ئەنجامدای چالاکی فیدایی یاوا بە شەهادەتی.

سەرەوەشی ۋێما جە بنەیانەی ئێژاو هەمڕای گەشمەرڎەیما مکەرمې، هەرپاسە جە کەسایەتی هۆزو مامخووری وڵاتپارێزینە سەرەوەشی ۋێما جە تەمامو گەلو کوردەسانی وڵاتپارێزی مکەرمې و قەولما واوەی مکەرمېوە کە ۋەرمو هەمڕا گەشمەرڎەکاما بیاونمې بە سەرکۊتەی.

زانیارییەکې سەرو شناسنامەو هەمڕای گەشمەرڎەیما پی جۊرەنە:

ناسنامې: ڕەشید ڕۆژهات

نامې و دمانامې: کەماڵ بۆزکورت

کات و شۊنەماو جە ئەڎابیەی: ١٩٨٦ – جۆلەمێرگ

نامۍ ئەڎې و نامۍ تاتەی: حەلیمە – حاجی

کات و شۊنەماو گەشمەرڎەبیەی: ٧و ئادارو ٢٠٢٤ / کەشو شاهۆی."