ئەندامانی بزووتنەوەی گەنجانی شۆڕشگێڕ (تەجەشە) لە شاری مارسیلیای فەرەنسا، بۆ شەرمەزارکردنی هێرشە داگیرکەری و پاکتاوکارییەکانی دەوڵەتی تورک ڕژانە سەر شەقامەکان.

گەنجان بە دەم بانگەوازی خۆ ئامادەکردنی هەمەلایەنەی تەجەشە و تێکۆژن لە ئەوروپا ڕژانە سەر شەقامەکان و گۆڕەپانەکان و بە بەرزکردنەوەی پۆستەرەکانی ڕێبەری گەلی کورد عەبدوڵا ئۆجالان و ئاڵاکانی پەکەکە دەستیان بە ڕێپێوان و ناڕەزایەتی کرد و هێرشەکانی دەوڵەتی تورکی داگیرکەریان ئیدانە کرد.

گەنجان لە شەقامەکانی مارسیلیا دروشمی "تیرۆریست ئەردۆغان" یان دەوتەوە و داوایان لە هەمووان کرد، کە بەخێرایی چالاکی بکەن. گەنجان ڕایانگەیاند، شانبەشانی گەریلاکان لە هەرێمەکانی پاراستنی مەدیا بەرەنگاری دەکەن و گەنجانی ئاپۆیی لە هەموو ناوچەیەک و گۆڕەپانێکدا بەرخۆدان دەکەن.

ژ.ت