بزووتنەوەی گەنجانی شۆڕشگێڕ ئێوارەی ڕۆژی چوارشەممە بە وتنەوەی دروشمی "گەنجان فیداییانی ڕێبەر ئاپۆن" و بۆ ئازادیی ڕێبەری گەلی کورد عەبدوڵا ئۆجالان ڕێپێوانیان ئەنجامدا.

گەنجان لەبەردەم ناوەندی کۆمەڵگەی دیموکراتیکی کورد لە ئێڤری کۆبوونەوە و بە بەرزکردنەوەی پۆستەرێک، کە لەسەری نووسرابوو "ئازادی بۆ عەبدوڵا ئۆجالان" دەستیان بە ڕێپێوان کرد.

لە چالاکییەکەدا وێنەکانی ڕێبەری گەلی کورد عەبدوڵا ئۆجالان و ئاڵاکانی پەکەکە بەرزکرابوونەوە و دوای نزیکەی نیو کاتژمێر لە رێپێوان، چالاکییەکە بە وتنەوەی دروشم لە بەردەم وێستگەی ناوەندیی شەمەندەفەر کۆتایی پێهات.

ژ.ت