هه‌به‌ده‌هه له دژی فرۆشیارانی مادده‌ی هۆشبه‌ر چالاكی ئه‌نجامدا
جه‌نگاوه‌رانی عه‌زیز گوله‌ری هه‌به‌ده‌هه له ئیستانبوڵ له دژی فرۆشیارانی ماده‌هۆشبه‌ره‌كان چالاكییان ئه‌نجامدا.
جه‌نگاوه‌رانی عه‌زیز گوله‌ری هه‌به‌ده‌هه له راگه‌یه‌نراوێكدا باسیان له‌وه‌كردوه، "ئێمه رێگه ناده‌ین و ناهێڵین كه گه‌له ره‌نجده‌ر و گه‌نجه‌كانمان بكه‌ونه گێژاو و داوی چه‌په‌ڵی مادده‌هۆشبه‌ره‌كان و له‌ناو ببرێن. ئێمه هه‌رگیز رێگه به بازرگانی ژه‌هر ناده‌ین!. ئێمه ناوه‌نده‌كانی تریاكفرۆشانمان له گه‌ره‌كی گازی سوتاند!. له ٢٠ی ئه‌یلول كاتژمێر ١٧:٠٠ یه‌كینه‌كانمان له ئیسته‌نبوڵ/ سوڵتان غازی له دژی دوو خانووی جیاجیا كه چه‌ته‌كانی تریاك به‌كاریان ده‌هێنان چالاكی سابوتاژمان كرد. هه‌ر دوو ماڵه‌كه به ماده هۆشبه‌ره‌كانه‌وه سوتێنران.
له راگه‌یه‌نراوه‌كه‌دا هه‌روه‌ها هاتووه:
"سه‌رمایه‌داری سیستمێكی داڕوخاوه و به‌ره‌و له‌ناوچوون ده‌چێت. له‌به‌ر ئه‌وه له هه‌موو لایه‌كه‌وه پارچه‌پارچه ده‌بێت. ته‌واوی كۆمه‌ڵگا له‌گه‌ڵ خۆیدا ده‌سوتێنێت و وێرانی ده‌كات! ده‌سه‌ڵاتداری فاشیست بۆ ئه‌ویه به‌سه‌ر پێوه خۆی رابگرێت، به هه‌موو هێزی خۆیه‌وه ده‌یه‌وێت گه‌نجانمان په‌لكێشی ناو گێژاو و داوی مادده هۆشبه‌ره‌كان بكات. له‌به‌ر ئه‌وه‌ش له كوێ چه‌ته‌كانی مادده هۆشبه‌ره‌كان هه‌بن یارمه‌تیان ده‌دات و رێگه‌یان بۆ ده‌كاته‌وه.
شۆڕش ته‌نیا بۆ ئاینده‌یه‌كی باشتر نییه. شۆڕش، تێكۆشانی ژیانی كۆمه‌ڵگایه‌كه كه ده‌خوازرێت پوچه‌ڵ بكرێت و له‌ناوببرێت. هه‌وڵێكه بۆ ئه‌وه‌ی مرۆڤ به‌سه‌ر پێوه بوه‌ستێت. شۆڕش شه‌ڕی مان و نه‌مانی گه‌له‌كه‌مانه! هه‌موو ئه‌وانه‌ی ده‌یانه‌وێت خاه‌نداری له ژیان بكه‌ن، هیوا بۆ داهاتوویه‌كی به‌خته‌وه‌رانه ده‌خوازن، ده‌بێت له ناو ریزه‌كانی شۆڕشدا یه‌كگبگرنه‌وه.
ئه‌و گه‌نجانه‌ی تاریكییان به‌سه‌ردا سه‌پێنراوه و داهاتوویان لێده‌دزرێت، ریزه یه‌كگرتووه‌كانی شۆڕش چاوه‌ڕوانی ئێوه‌یه بۆ ئه‌وه‌ی به هیوا و ئازادییه‌وه خۆتان بڕازێننه‌وه!".
هـ . ب
