جەنگاوەرانی ئەیلەم ئاتاش سەر بە بزووتنەوەی شۆڕشگێڕی یەکگرتووی ژنان (کەبەدەھە) لە ڕاگەیەندراوێکدا بڵاویانکردەوە، "ڕۆژی ١٥ی ئەیلولی ٢٠٢٣، کاتژمێر ٢٣:٠٠، جەنگاوەرانمان لە دژی ئۆتۆمبێلی زرێپۆشی جۆری تۆما لە بەردەم بەڕێوەبەرایەتی ئاسایشی ناوچەی سەیهانی ئەدەنە بە کۆکتێل مۆلۆتۆڤ و نارنجۆک چالاکییان ئەنجامدا".

لە بەشێکی دیکەی ڕاگەیەندراوەکەدا ھاتووە، "چالاکییەکە پێشکەش بەو ژنانە کرا، کە لە دژی پیاوسالاری، داگیرکاری و فاشیزم خۆڕاگری دەکەن."

ئاماژە بەشکراوە، "لە ئەنجامی چالاکییەکەدا کە بۆ بەرزڕاگرتنی یادی 'ژینا ئەمینی' ئەنجامدرا، پۆلیسەکان شڵەژان، کەوتنە دۆخی خۆپاراستنەوە و گازی فرمێسکڕێژیان لە دژی جەنگاوەرانمان بەکارھێنا. پاشان تەقەیان لە دەورووبەرەکە کرد. دوای ئەوەی جەنگاوەرانمان بە سەلامەتی لە ناوچەکە کشانەوە، پۆلیس گەڕەکەکانی ناوەڕاستی گەمارۆدا.

ژ.ن