کوردستانی و دۆستەکانیان لە شاری لایپزیگی ئەڵمانیا ٤٥ هەمین ساڵیادی دامەزراندنی پەکەکەیان پیرۆزکرد. ئاهەنگەکە بە خولەکێک ڕێزگرتن لە شەهیدانی کوردستان دەستی پێ کرد.

سیاسەتمەدار سەڵاحەدین مەتە گوتی: "ساڵیادی دامەزراندنی پارتی شەهیدانمان، لە ڕێبەر ئاپۆ و شەڕڤانانی ئازادی و هاوڕێیانی بەرخۆدەری زیندان، پیرۆز بێت".

مەتە تیشکی خستەسەر قۆناغی دامەزراندنی پەکەکە و گوتی: "تێکۆشانەکە بە ٥ کەس دەستی پێ کرد و ئەمڕۆ گەیشتۆتە ملیۆنان کەس".

مەتە ڕایگەیاند، کورد لەڕێگەی بەرخۆدانی داستانی شەهیدان و شەڕڤانانەوە بە جیهان ناسێنرا، کورد مافی خۆیەتی وەک گەلان لە خاکەکەیدا بە ئازادی بژی. جەختی کردەوە، لە هەموو هەلومەرجێکدا درێژە بە تێکۆشان دەدەن.

ئاهەنگەکە بە گۆرانی و چالاکی هونەر و بەرزکردنەوەی درووشمی "بژی سەرۆک ئاپۆ" کۆتایی هات.