دوێنێ شەو لە قەزای سۆران سەر بە هەولێر، ئاگر لە بینایەک بەربوو، بەهۆیەوە ١٤ کەس گیانیان لەدەستدا و ٤ کەس بریندار بوون. کۆنگرەی نەتەوەیی کوردستان بە پەیامێک سەرەخۆشی لە کەسوکاری قوربانیان کرد.

پەیامی کەنەکە بەم جۆرەیە:

"بەداخەوە بەهۆی کارەساتی سوتانی بینای مامۆستایان و خوێندکارانی زانکۆی سۆرانەوە، ١٤ کەس گیانیان لەدەستدا و چەند کەسێک بریندار بوون. بەهۆی ئەم ڕووداوە خەمناکەوە، وەک کۆنگرەی نەتەوەیی کوردستان سەرەخۆشی لە کەسوکاری قوربانیان دەکەین و بەهیواین بریندارەکان بەزووترین کات و بەتەندروستییەکی باشەوە بگەڕێنەوە نێو خێزانەکانیان. داوا لە لایەنە پەیوەندیدارەکان دەکەین لێکۆڵینەوە جدی بکەن دەربارەی هۆکاری ڕوودانی کارەساتەکە و لایەنە خەمساردەکان ڕووبەڕووی یاسا بکەنەوە.

هیوای چاکبوونەوە بۆ بریندارەکان دەخوازین، ڕۆحی قوربانییەکان شاد بێت".