بەنزیکبوونەوە لە ٩ هەمین ساڵوەگەڕی شۆڕشە مەزنەکەی رۆژئاوای کوردستان، کوردانی تاراوگە بە چالاکی جۆراوجۆر یادی شۆڕشەکە و شەهیدانی دەکەنەوە.
لەو چوارچێوەیەدا لە برۆکسلی پایتەختی بەلجیکا مەڕاسیمێک ڕێکخرا.
لە سەرەتای مەڕاسیمەکەدا کە لە ئۆفیسی خۆسەری دیمۆکراتیک بەڕێوەچوو، ژمارەیەک لە ئەنجامان و بەڕێوەبەرانی پارت و لایەنە کوردستانییەکان و هاووڵاتیانی کوردی هەرچوار بەشی کوردستان ئامادەی بوون، هەمووان خولەکێک بۆ ڕێزگرتن لە شەهیدانی شۆڕشی ڕۆژئاوای کوردستان و هەروەها شۆڕشی ئازادی کوردستان ڕاوەستان.

پاشان، زوبەیر ئایدار، ئەندامی دەستەی بەڕێوەبەریی کۆما جڤاکێن کوردستان- کەجەکە، قسەی کرد و سەرنجی ڕاکێشایە سەر شۆڕشی ڕۆژئاوای کوردستان و گرنگی پاراستنی دەستکەوتەکانی شۆڕش. ئایدار هاوکات باسی لە مەترسییەکانی سەر شۆڕشەکە و دەستکەوتەکانی کردە و ئاماژەشی بە پێویستی پاراستنی ڕۆژئاوا و دەستکەوتەکانی کرد. هەروەها زوبەیر ئایدار، وێڕای

ۆیرۆزبایی لە ساڵیادی شۆڕشی ڕۆژئاوای کوردستان، بەڕێزداییەوە یادی شەهیدانی ئەو شۆڕشەی کردوە.
دواتر، سۆزان دێرک، نوێنەری پارتی یەکێتی دیمۆکراتیک- پەیەدە لە ئەوروپا، قسەی کرد و وتی: دەبێت گەلی کورد لە دژی هەموو هێرشەکانی سەر ڕۆژئاوای کوردستان و دەستکەوتەکانی بووەستنەوە و ئەو بەشەی ووڵات بە ڕۆح و گیان بپارێزن.
دواتر، میدیا عبدێ، بەناوی بنەماڵەی شەهیدانەوە قسەی بۆ ئامادەبووان کرد و ئاماژەی بە گرنگی شۆڕشی ڕۆژئاوا و پاراستنی کرد و رایگەیاند: سەرنج راکێشە لە سەروبەندی ساڵوەگەڕی شۆڕشی ڕۆژئاوای کوردستاندا، ڕژێمی داگیرکەری تورکیا گوڕ بە هەڕەشەکانی بۆ سەر ئەو بەشەی ووڵات دەدات. هەر بۆیە پێویستە هەم لە کوردستان و هەم لە سەرتاسەری جیهان، کوردان لە دژی ئەوە بوەستنەوە و خاوەنداری لە خوێنێ شەهیدان بکەن و ڕێگە نەدەن ئەو ڕژێمە بە مەرامی خۆی بگات.

لە دوای قسەکان، سەبارەت بە شۆڕشی ڕۆژئاوای کوردستان و شەهیدان و کەدکارانی ئەو شۆڕشە سینەفزیۆنێک نیشاندرا و بە وتنەوەی دروشم کۆتایی بەمەراسیمەکە هات.

هـ.هـ