ئەو ستاندی هۆشیارکردنەوەیەی لە چوارچێوەی هەڵمەتی ئازادی بۆ عەبدوڵا ئۆجالان، چارەسەری سیاسی بۆ پرسی کورد" لەلایەن مەجلیسی ژنانی دەست دان و مەجلیسی کوردستانیانی ئازاد (ناڤ بەرلین) دانرا، لە گۆڕەپانی ئەلیکساندەرپلاتز بەردەوام بوو.

لە ستاندەکەدا بە چەندین زمانی جیاواز پانکارتی "ئازادی بۆ ئۆجالان" بەرزکرایەوە و بڵاوکراوەکان دابەشکران.

لە دوا ڕۆژی چالاکییەکە، هاوسەرۆکی ناڤ بەرلین، حوسەین یەڵماز، دەربارەی گۆشەگیری سەر ڕێبەری گەلی کورد عەبدوڵا ئۆجالان قسەی کرد، گوتی: "بەبێ شکاندنی گۆشەگیری تێکۆشانی "دیموکراسی" بەدی نایەت".

یەڵماز ڕایگەیاند، تا شکاندنی گۆشەگیری بەردەوام دەبن لە چالاکی و گوتی: "هەموو دیموکراسیخوازێک، بەتایبەت گەلی کورد و گەلانی بندەست، پێویستە دژی گۆشەگیری هەڵوێستیان هەبێت. پێویستە خەباتی خۆمان لەسەر بناغەی شکاندنی گۆشەگیری و پێشخستنی دیالۆگ لەگەڵ بەڕێز ئۆجالان درێژە پێ بدەین".