لەسەر بانگەوازی ئەنجومەنی گەلی کوردی قوبرس و دەستپێشخەری ژنانی ککورد، کوردستانیان و دۆستەکانیان لە پارکی مۆلۆزی لیماسۆل کۆبوونەوە. لە چالاکیەکەدا وێنەکانی لەیلا گوڤەن هاوسەرۆکی کەجەدە بەرزکرانەوە و دروشمی "ژن، ژیان، ئازادی"،"بژی سەرۆک ئاپپۆ"،"دەوڵەتی تورکی فاشیست"،"تیرۆریست ئەردۆغان" وترانەوە.

فاتیمە دۆغان ئەندامی دەستپێشخەری ژنانی کورد لە چالاکیەکەدا قسەی کرد و ئاماژەی بە هێرشی دیکتاتۆری ئەردۆغان و فاشیزمی دژی کورد کرد. فاتیمە دۆغان باسی ئەوەی کرد کە بە پێشەنگایەتی ژنانی کورد، دیکتاتۆر دادگاییدەکرێت.

دۆغان باسی ئەوەی کرد کە دەسەڵاتی فاشیزمی ئاکەپە و مەهەپە بۆ مرۆڤایەتی بە تەواوی مەترسیە و ئاماژەی بە گرنگی کەمپینی دادگاییکردنی دیکتاتۆر کرد.

لە چالاکیەکەدا بە چەپڵەلێدان و هەلهەلەلێدان گرتنی گوڤەن شەرمەزارکرا و لە چوارچێوەی کەمپینی تەڤگەری ژنانی کورد – ئەوروپا بە ناوی "١٠٠ هۆکار بۆ دادگاییکردنی دیکتاتۆر" ستاندنی ئیمزاکۆکردنەوە دانرا. لە ئەنجامدا ژمارەیەکی زۆر ئیمزا کۆکرانەوە.

ف.ق