لە چوارچێوەی "ڕۆژی جیهانی کتێبەکانی عەبدوڵا ئۆجالان" لە سیدنی پایتەختی ئوسترالیا لەبەردەم پەرلەمانی پارێزگاکە کۆبوونەوە ئەنجامدرا. لەوێدا هەندێک بەرهەمی ڕێبەری گەلی کورد عەبدوڵا ئۆجالان خوێنرایەوە و داوای ئازادی وی کرا.

ستاند دانرا و بەرهەمەکانی ڕێبەری گەلی کورد عەبدوڵا ئۆجالان پێشکەشکران. بێجگە لە کوردستانیان، سیناتۆری پارتی سەوز، دەیڤید شۆبێرگ، سەرنوسەری ڕۆژنامەی (Greenleft)، پیتەر بۆیل، دەرهێنەری فیلم، جەیک لۆید، بەشداری مەراسیمەکە بوون. ئەندامی بەشی یاسا و دادی زانکۆی زانکۆی  NSW ی سیدنی، د. ڤیکی سەنتاس و سیناتۆری پێشووی پارتی سەوز، لی ڕیانۆن کە نەیانتوانی بەشداری مەراسیمەکە ببن، پەیامی ڤیدیۆیان نارد و گوتیان: "بۆ ئەوەی پرسی کورد بە ئاشتی و دیموکراسی چارەسەر ببێت، پێویستە دەمودەست پەکەکە لە لیستی تیرۆر دەربکرێت و عەبدوڵا ئۆجالان ئازاد بکرێت".

چالاکییەکە بە بەرزکردنەوەی درووشمی "ئازادی بۆ عەبدوڵا ئۆجالان" کۆتایی هات.