لە ئەمستردام وتوێژ لەبارەی پارادایمی ڕێبەری گەلی کورد عەبدوڵا ئۆجالان کرا
لە سیمینارێکدا لەلایەن کۆمۆنەی ژنانی ڕۆژبینەوە ڕێکخرا، پارادایمی جڤاکی دیموکراتیک و ئیکۆلۆژیک و ژنی ئازادی ڕێبەری گەلی کورد عەبدوڵا ئۆجالان تاوتوێ کرا.
سیمینارەکە بە پێشکەشکردنی لەیلا ئەلبیستان و بەشداری پرۆفیسۆری زانکۆی ڕۆژئاوا جۆست جۆندەرگەن و بەشیر مەلا نەواف بەڕێوەچوو.
لە سیمینارەکەدا سەدان خوێندکاری نێونەتەوەیی و زانکۆی ئەمستردام بەشداربوون، پرۆفیسۆر جۆندەرگەن نرخاندنی کرد بۆ پارادایمی ڕێبەری گەلی کورد عەبدوڵا ئۆجالان لەسەر جیهان و ڕۆژئاوای وەک نموونەیەکی بەرجەستەی ئەم پارادایمە ناساند.
بەشیر مەلا نەواف باسی چۆنێتی ئەزموونکردنی پارادایمی ڕێبەری گەلی کورد عەبدوڵا ئۆجالان لە ڕۆژئاوا کرد. پاشان سیمینارەکە بە پرسیاری خوێندکاران و وەڵامی پانێڵیستەکان بەردەوام بوو.
پاشان سترانی کوردی و ئینگلیزی خوێنرا.
سیمینارەکە بە بەرزکردنەوەی درووشمی "ژن، ژیان، ئازادی" کۆتایی هات.
