نوینەرانی دەزگا کوردیەکان لە ئەرمینیا، بۆ شەنگال کۆبونەوە.

لە کۆنفڕانسێکی رۆژنامەنووسیدا کە کنیاس حەسەنوڤ هاوسەرۆکی راوێژی گەلی کورد و پەرلەمانتاری ئەو وڵاتە، سلۆ دیربۆیان هاوسەرۆکی کۆمیتەی کوردستان و ژەنیار قادر ئەندامی یەکێتی ژنانی ئازاد و کەنەکە بەشدار بوون، هەڕەشەکانی سەر شەنگال شەرمەزارکران.

لە راگەیەنراوەکەدا نوێنەرانی کورد رایانگەیاند، ئێمە وەک دەزگا کوردیەکانی ئەرمینیا پلانەکانی سەر شەنگال لەنێوان هەولێر، بەغدا و ئەنقەرە و هێزەکانی پشت ئەوان شەرمەزار دەکەین. ئەمە دووروویەتیە کە لەلایەک باسی کۆمەڵکوژی سەر کۆمەڵگای ئێزدی دەکەن و لەلایەکی دیکەوە رێگا بۆ کۆمەڵکوژی خۆش دەکەن و هاوکاری کۆمەڵکوژی دەکەن. دەوڵەتی عێراق بە بیانوی ئەوەی شەنگال موڵکی ئەوانە، دەستوەردان دەکات. بەڵام بۆچی لەسالی ٢٠١٤دا شەنگال رادەستی داعش کرا و وەک ئەمڕۆ نەیوت موڵکی منە و بۆچی نەیپاراست و ئەوانیان رووبەرووی کۆمەڵکوژی کردەوە؟

دەزگا کوردیەکان باسی ئەوەیان کرد: "پێویستە و رەوایە کە شەنگالیەکان خۆیان خۆیان بەڕێوە ببەن. پشتگیری لە بەرخۆدانیان دەکەین و ئێمە لەگەڵ ئەوانداین."

ف.ق