لە ئۆسلۆ لەسێدارەدان لە ئێران شەرمەزارکرا
لە ئۆسلۆی پایتەختی نەرویژ لەسێدارەدان لە ئێران بە چالاکییەک شەرمەزارکرا.
لە ئۆسلۆ بە پێشەنگایەتی پارتی ژیانی ئازادی کوردستان (پژاک) و پارتەکانی ڕۆژهەڵاتی کوردستان دژی سیاسەتی سێدارەی دەوڵەتی ئێران چالاکی ئەنجامدرا.
لە گردبوونەوەکەدا، پەیامی هاوبەشی بەشداربووان بە زمانی نەورویژی و کوردی خوێنرایەوە.
لە پەیامەکەدا داوا لە حکومەتی نەرویژ و نەتەوە یەکگرتووەکان و ڕێکخراوەکانی مافی مرۆڤ کرا بۆ نەهێشتنی کوشتنی بەئەنقەستی زیندانیانی سیاسی هەڵوێستی بەرامبەر کۆماری ئێران نیشان بدەن.
چالاکییەکە بە درووشمی "ژن، ژیان، ئازادی" و درووشمەکانی شەرمەزارکردنی تاوانەکانی دەوڵەتی ئێران کۆتایی هات.
