چالاکی نۆبەتی دادپەروەری لە پێنج شاری جیاوازی تورکیا و باکووری کوردستان دەستپێکراوە، لە شارەکانی وەک ئامەد، وان، ئەستەنبوڵ، ئەدەنە و مێرسین بۆ پشتیوانی کردن لە کەمپینی "ئازادی بۆ عەبدوڵلا ئۆجالان و چارەسەری سیاسی بۆ کێشەی کورد" گەلی ناوچەکە دەستی کردووە بە چالاکیی نۆبەتی دادپەروەری و تا ئێستاش چالاکییەکە بەردەوامە.

چالاکوانانی نۆبەتی دادپەروەری ڕایانگەیاند: "تا ئەوکاتەی کە دەگەین بە ئامانجەکانمان و ئازادی ڕێبەری گەلی کورد عەبدوڵلا ئۆجالان مسۆگەر دەکەین، بەردەوام دەبین لە چالاکییەکانمان".